قصيدة للشاعر ذياب العمودي

بسم الله الرحمن الرحيم

قصيده للشاعر ذياب العمودي مرثيه للمرحوم الشيخ سعود نايف الفيصل

شفت اليتامى لابسه اسود الخام = وغاشي على صافي سماها ضلامه
فلت الخبر يامن لكم حق واحكام = قالو رحل شيخ الكرم والشهامه
لجوار رب(ن) عادل(ن) حاكم(ن)عام =يالله عسى بعالي الجناين منامه
ضل الضعافي والارامل والايتام = لا مد ما تخطر عليه الندامه
سعود اللي جوده من العام للعام = حتى خذا تاج المكارم وسامه
قلت ابشرو ذولا سلالات واكرام = لاغاب واحد سد الاخر مقامه
وجود محسن واحمد الشامخ الشام = راح ومضيفه ماتغير نظامه
وفرحان اللي دايم على الطيب مقدام = الله عسى يكتب عليه السلامه
اولاد نايف عالي الصيت والهام = من جاه يحظى بالكرم والكرامه
ابو الحميس اللي عليه السمن زام =تقلط جهامه وتقتفيها جهامه
لعل قبر(ن) ضمن نايف وبه نام = سقاه من نو الثريا غمامه
ومدلول مدلول السخى عايم(ن) طام = شيخ الجزبره والدهى والصرامه
وعجيل رمز الشمري طول الايام = اللي حكمها من جنوبه لشامه
والذيب الاحمر شيخنا تاج ووسام = ما دنق لحكم الطواقيت هامه
محسن ليا عدة شيوخ(ن) وحكام = له قامت(ن) طالت على كل قامه
جربان والجربان سادات واعلام = فيهم على كل الخلايق علامه
الطفل من هم لا بلغ خمسة اعوام = تشوف بعيونه بريق الزعامه
من نجد لعراق العروبه ليشام = لبنان للمغرب لدار المنامه
شيوخ شمر ما قبل عهد الاسلام =وشيوخها حتى تقوم القيامه
نفخر بهم فخر الشجاعه بصدام = اللي انعدم نص العرب مع اعدامه
اللي مشى شامخ على حبل الاعدام = وادى الشهاده ودعه ببتسامه

((الشاعر ذياب العمودي))

 

 

 

 

 

 

 

 

 

 

مرثية رائعه ومعبره

من شاعر جزل

كل الشكر اخونا الكريم

على النقل المميز

رحم الله الشيوخ الكرام

دمت بخير

 

 

 

 

 

 

 

 

 

 

صح السان الشاعر ذياب العمودي
*
الله يعطيك العافيهه على نقل الرائع

 

 

 

 

 

 

 

 

 

 

صح ابدانك اخواني الاعضاء
واشكر الجميع على الردود الطيبه ...تقبلوا تحياتي

 

 

 

 

 

 

 

 

 

 

صح السان الشاعر ذياب العمودي
وذياب من الشعراء المتمكنين وله باع طويل في الشعر ومن اهل الشعر
والشيخ سعود الفيصل رحمة الله عليه رثوه كل الشعراء من شمر من جميع الاوطان كذلك رثوه كل الشعرا اللي لهم علاقه برحمة سعود الفيصل
فهو لاشك علم من اعلام الكرم وجبل من الجبال العربية البارزه في تالي الزمان
وسعود ابوفواز لايوجد له ابناء ولكن بنائه هم احمد وفرحان النايف الله يطول بعمارهم
وسعود هو ابو الكرم واخو الكرم وبن عم الكرم وجبل الكرم ورمز للكرم في كل ديره
كذلك اذكرفي احدا الناسبات في الرياض كانت جموع الحضور تفوق الخمس الاف شخص
وكان يبي يسلم على احد الامراء وفرحان النايف حاط يده على متن عمه ويحاول انه يوصله للامير ولكن من شدة الناس كان الوصول صعب وشافه احد الرجال وقال بصوت واضح افسحو المجال لاكرم رجل في الجزيرة العربية وفعلاً انتبهت الناس لهذا الكلام الحقيقي
وله من المواقف والاخبار في هذا الصدد لو اجتمعت اصبحت كتب تقراء وتداول اخبارها بين الناس
اذكر انه في احد جياته رحمة الله عليه عند ابنائه احمد وفرحان بالرياض
وكانت الناس مجتمعه لشوفته ومحتفين به احبابه والناس اللي لهم صداقه ومعرفه به وجموع من قبيلة شمر العريقة من كل مكان حضرو لشوفته
واذكر انه تكلم وقال احمد الله انني اشوف هذه الوجوه الطيبه من ابناء شمر العزيزين
واشكر ابنائي احمد وفرحان واشكر الله انه هداهم على فعل الخير والكرم ومشيهم على سلم اهلهم الاولين وقال انا فخور باحمد وفرحان واوصيهم بعلوم الدنيا وهم فخر لي ولكم
رحم الله سعود الفيصل راعي الباب المفتوح والصينيه المليانه
وشكراً للشاعر ذياب وشكراً لصالح الجذيلي

 

 

 

 

 

 

 

 

 

 

الله واكبر قصيده لايقولها الا فطاحلت الشعر هل هو ذيب العمودى او ذياب 00 شكرا على النقل0

 

 

 

 

 

 

 

 

 

 

نشكر مروركم ولكل من علق على هذه القصيده الجزله والطيبه والشاعر هو ذياب العمودي ..تقبلو تحيات صالح الجذيلي

 

 

 

 

 

 

 

 

 

 

قصيده جزله من شاعر قدير ومقتدر الشاعر ذياب العامودي صح لسانه وعلا شانه