بسم الله الرحمن الرحيم
ياهل العراق اخباركم كان ماكان
الشاعر/مشعل عسام التريباني الشمري في 2/11/1439هجري
ياهل العراق اخباركم كان ماكان=
مآسين كله عراضن طويله
رحتو وطي بين العبادي وردغان=
واترامب نشبة زبدته في صميله
الله يجنبنا الكوارث والاحزان=
بلاوين مايندرى وش حصيله
سفن التشيع روجة حقد طهران=
وفي ملتقى النهريين حطة ثقيله
وردة نهر دجله من الشر قطعان=
شربه قراحه واستباحة نخيله
وحب القيمي شتته طير برمان=
وجاب الافاعي في يمينه يشيله
مشاكلن يندى لها وجه الانسان=
دورن به الكاتل يشيع كتيله
دنيا كفا الله شرها مالها امان=
نيبانها تضرس وتاكل خليله
شتان بين الامس واليوم شتان=
دنيا التغير بس يطرق شليله
تضحك بسن احيان وتكشراحيان=
كا الحية اللي راسها عند ذيله
البذرة اللي بين بغداد وايران=
استفحلة مابين يومن وليله
من عقب ماكانو هلا الفرس عدوان=
اليوم ركبو فوق سرج الكحيله