يقول الشاعر : بشير المطيري .. بقصيده منها
يـاذيـب الـلــي دقـقـولـك منـاشـيـب= شـرواك مانرضـى عليـه الاهـانـه
سبع الخلى في حوشكم جاه تعذيب= يصـيـر عـنـدك يــوم غــره زمـانـه
فكـو رزقــه يعلـمـه عـالـم الغـيـب= ربــاً خـلـق خـلـقـه عـلـيـمٍ بـشـانـه
(ابـن سعيّـد) فازبـه منقـع الطـيـب= عشاه كبشـن يـوم سمـع اعويانـه
الـشـمــري كـسـابــةٍ لـلـمـواجـيـب= ولا انـت فـي دارك حصـلـه لعـانـه
القصيده اطول من ذالك
هذه القصيده قالها الشاعر /حجي صالح الزعيلي رد على الاخ الشاعر بشير المطيري
بديت باسم واحدٍ يعلم الغيب = اللي خلق خلقه وموجود كيانـــــــه
سلام ياشخصٍ نزيهن عن العيب = واللي هرج بالصدق يسلم لسانه
من لابةٍ يهابه الخصم واتهيب = ياركبوا العجلات تروي سنانــــه
حمر النواضر للمعادي معاطيب = بأيمانهم زرقٍ على عود زانــه
بشيّر عسى لك عند ربك مطاليب = ومن خلّفك جعله لروضة جنانه
سمعت لك هرجن تقوله بترتيب =هرجٍ موثق واضحٍ في بيانه
لنا الفخر بأفعال من يكرم الذيب = تشكر وهرج الصدق حقن وامانه
ابن سعيّد شيخ وافي المواجيب = شيخن وله بين القبائل مكانه
ريف الونايا سايجات المحاقيب = زبن الصويب اليا تقنطر حصانه
ياجو صيامٍ من ديار الاجانيب = يختار من بين الجلايل سمانــــه
شيخٍ وملفى شيوخ نعم المعازيب = يا شافهم حيّا وتضحك ثمانه
ماهي غرايب لو يبالغ بترحيب = مواريثٍ لأبوعدي وسفانــــــــــه
علمه بنجد وفي بلاد اليعاقيب = وبحدود سنجارٍ ليا ارض البنانه
ليا ألاّّن احفاده على منهج الطيب = الجود شدّو بالعزايم عنانه
شيوخن على فعل المكارم محاضيب =اهل الندا ماهم سلايل هدانه
فهودٍ على خوض المعارك مهاذيب = خصيمهم يخسر نهار الكيانه
المرجله ماهي تصنّع وتحسيب = فعلن يشرف كان الايام شانه
اقولها ماني بحال الشواذيب = ضعاف النفوس اللي تعيش برعانه
يومن معاك ويوم ضدك نصاصيب =اهل المظاهير سيئين البطانه
الناس تدري من عصر عاد وشعيب= باهل الشرف وممارسين الخيانه
بعدك شرف عن مجلس الزور والريب = سليم والمخلوق مالك بشانه
بلال بالجنه وسلمان وصهيب = وعم النبي بالنار لأجل اعــصيانه
وقت علينا يفجع العقل ويريب = وشيّب براس اللي بسن الحضانه
مالي ورى هرجي مرام ومطاليب = ولاخير فيمن لا لعرضه صيانه
وصلوا عدد رمل الطعوس النبانيب = صلوا على المبعوث بأفضل ديانه
رد ::حجي صالح الزعيلي ..على الاخ بشير المطيري
العرض العادي
