اشكر من قدم هذا الموضوع واشكر من ساهم فيه من الاخوه وهذا اقدم الصفحه تكمله
يجب ان نذكر الحقبه السوداء بعد مقتل الأمير عبد العزيز الرشيد رحمه الله
عام 1324 هجري اخذ سلطان حمود العبيد يخطط لمقتل عيال عبدالعزيز وطلب من أمهم موضي
حمود العبيد وابنتها منيره للذهاب للحج وقال هذا عمك عبد الله عبيد يقود الحمله ولكن موضي
داخلها الشك قبل مسيرها الحج لما رأته من اصرار سلطان على ذهابه للحج وأخذت المصحف
وألقته في حضن أخوها سلطان وقالت يااخوي انا دخلت عليك بالله وباللي في حضنك
ان كنت ناوي لاولادي الغدر وطمعان في ملكهم أن تبقيني اعزلهم عنك وانت مكانهم بالحكم
لتسلم حياتهم كيف اقتل اولاد اختي وعاهدها ان يكون حارس عليهم فخرجت حملة الحج
في يوم 12 من ذي القعده توجهت الحمله الى المدينه ثم مكه0
وفي 16 ذي القعده بعد سفرأمهم بأربعة أيام خرجوا للبر ووقع المحظور وقتل عيال الامير
عبد العزيز وكان اصغرهم محمد وعمره ثمان سنوات اما سعود ابعدوه خواله السبهان
للمدينه واستاء الامير حمود العبيد من عمل ابنه سلطان وسعود وغادر الى المدينه وقال هذه
القصيده
ياالله ياللي لاشرف الخلق حبيت = يارايف بالحال رف لي بحالي
يالله ماغيرك لحي تلاجيت =واضحى بحكمك ياعزيز الجلالي
طلال يلجأ لي وأنا له تلاجيت= وانا اشهد انه من ضناين حلالي
ومتعب ولد بنتي بحبه تعريت= وعز الله انه اغلى من عيالي ومالي
ومشعل يداوي الجرح لو ماتداويت = ليا شفت زوله تورد الما حبالي
ياليتني قنصت معهم ولاجيت = ولا شفت ذبحتهم محمد قبالي
ماينفعن كثر المنى لو تمنيت = ولا ينغرف دم نثر بالسهالي
فريت يادار الخطا منك واقفيت = مثل البعير اللي يصيبه جفالي
والمسجد اللي من غلى ابوي حليت =ليا أذن المذن نصيته لحالي
سلط على سلطان وسعود وسبيت = من شانهم فارقت انا كل غالي
عزَ الله اني بالعهد ماترديت = من ذخر عبدالله قديم وتالي
بالعين ارعاهم ليا قبلت واقفيت = لاشك جا نقض العهد من عيالي
ذكرتلي خلج ترزم على البيت = كد ضيعن حيرانهن المتالي
سلطان ياقاطع برحمه تعريت = ياللي عهوده كثر صرف الريالي
كزيت لي خط كما ريح كبريت = توعداً باخذت جرود الزوالي
ميزتك فرش محمد شايع الصيت = اوفرش ابو متعب نحاز العيالي
محمد عقيم وبالنقا حصل الصيت = وحاز المراجل دقها والجلالي
العرض العادي
