هذي قصيده :ابن الكليخ الغضوري العنزي قبل 172سنه تقريباً
حيث كان الشاعر الكبير : ابن الكليخ الغضوري جلاوي عند السعيّد من العليان .
ياركب من عندنا فـوق عيرات = عيرات الانضى سايجات الحبالي
لياجن من وسط الدواوير عجلات = ليابيت ابو عسكر زبون الثقالي
قل نعمن بقواد الجموع الرويات = ويذورها لو هي بعين الشمالي
قل فكيتنا من طلي جربِ محيلات = ومنصلات و عذفن بالمفالي
وجبنا عوضهن جيشن وخلافات = وقلايعـن مع مرهفات المتالي
بيراي( ابو فرحان) قمع المنيسات = حر ولد حـر بعيـد المدالـي
والكان لك ياقرم الاولاد لفتات = رد النقى وانزل خبار الجبالي
والكل منا يعطي الضد غارات = والعيب منا الي يـدور العمالي
والعود كساب العلوم الطويلات = قلة ترى ماهوعن الضغن جالي
(اخوات سوده) بالخطرتبني الابيات = وقاهوي يطرب لها العصر بالي
من روس شمر (ومقدمن) للدغيرات = زمل التخوت اللي تشيل الثقالي
ومجالس نأخذ بها العصر هيضات=ببيوتٍ عن لسو القوايـل ظلالـي
:
:
ابوفرحان :هو امير الدغيرات مكازي بن سعيّد
اخوات سوده :عزوة ال سعيّد من العليان من الدغيرات
القصيده منقوله من راوي الدغيرات الشيخ :عماش بن نايف بن سعيّد