الشاعر علي ابن سريحان من البي سعد من الزميل نشأ في ربوع حايل فكان الحال ذلك الوقت يعتريها الجوع وضيق العيش
ورحل من الضلع من توارن ونزل بقنا عند الرمال عزيزين الجار وقرر المسير للجزيره على بنيه الجربا يسمع
بعلومه وعند ما وصل عنده ورأى مارأى قال هذه الابيات
راكب حيل ليالي عفاهن = مارقع السايق عليهن شنونه
يشدى لربدن من عطيبن حداهن = هجن وشافن بيضهن حيل دونه
ياتكل هم رمايهن من حداهن = اوماقدر ينفض عليهن ردونه
حيلن مع الريدا سريعن خطاهن = والحزل على ليلتن يمرحونه
وخوذوا عليهن روحتن من عشاهن = وجو اسلام القابله ترهجونه
لياجيتوا حد الشط قيدوا ثناهن = ونادوا لشاحوف وسيعن ركونه
تلفون لبيوتن حلين بناهن = هاك الوجيه المدح يستاهلونه
يذكر معزتهن وزايد ذراهن = ياجاهن العاني بالعطا يكرمونه
وبنين على بيت الصخامن نقاهن = جدن لجد وساسهم يذكرونه
وهن مزبنن للملتجي يانصاهن = والجمع الاول كارهم يزهمونه
ويلفن على الاشمل وهو منتهاهن = يلفن لبنيه زبن من حيل دونه
زبن العيال لياتقارش حذاهن = يومن خطو الغوج يلطم ديونه
يومن مذلوق العريني حداهن = يدهش لياطمطم براسه جنونه
وامر بنيه بعشر محملات لعلي ابن سريحان ويسترخص من بنيه وتوجه لنجد العذيه
وفي طريقه لقنا تعرضه ركب من القواسم من الضفير وخذوا الركايب مع حمولهن بديرة التيم
وهويرجع من التيم متوجه الى الشيخ صفوق الجربا المحزم وعندما وصل لبيت صفوق
ووفي المجلس قال هذه الابيات
مدوا من التيم عساكم تردون = وحوماي هو روس عوسهن بيناتي
والثالثه حتى على الحزل تردون =وجون وقاف من ايهن بالحلاتي
خوذوا عليهن روحتن يوم تسرون = يالجدي بين نحورهن كالمراتي
والصبح باطراف الصحن لاتبيتون = وحظوا عليهن بالعجل خايفاتي
لياجيتوا الزيزا تراكم تخافون = وخوف ليما يقطعن الفراتي
والثامنه عند المحزم تلفون = ريف الركاب ليالفن موخلاتي
معها بيوت عن اشهب الفقر يذرون = بيوتن على ساس الصخا شامخاتي
يما عطوا من عين مقصر ومديون =وياما اغتنى من اسبابهم من غداتي
يماعطوا من شمخ النيب وخزون = ياما عطوا من قرحن صافناتي
هم ريف من يشكي من الفقر وغبون = وهم ملتجا للي يجيهم سواتي
ياجاهم العاني بوجهه يحيون = ماكر صخا وعلومهم طايلاتي
ياصفوق ماحسب القواسم يبوقون = خلوني مصلوخ بليا عباتي
خذوا عباتي مع اللي عطيتون = والفقر مايركب سداة الغناتي
ويعطيه صفوق عشرركايب محملات وقال له توزعهن على المحتاج وترجع ويصل سالم لبيته بقنا ويوزع الفود على جيرانهم
ويشيل بيته على نفس الركايب ويرجع للجزيره وينزل بيته قرب الشيخ صفوق وزادت معرفته مع الشيخ ظاهر فارس الجربا شقيق
صفوق وكان يتمثل بحسن الخلق والتواضع والكرم فاصبح لايصبر ولايوم الاان يرى ظاهروبعد ان تزوج علي ابن سريحان اصبح
عنده حلال قليل ورآى الشيخ صفوق هذه العلاقه الحميمه كل مايسأل عن ظاهر يقولون له عند علي السريحان وتبين مدى العلاقه المتينه بين علي وظاهر اراد الشيخ صفوق ان يجرب مدى قوة العلاقه
بين علي وظاهر ففرض على ظاهر ان يذهب علىبيت علي السريحان وا ن يطلب من علي حلاله
من الغنم وقال ياعلي ارسلوني الشيوخ يبون حلالك رد عليه ابشر بهن وتقفى ظاهر الغنم من امام صديقه علي
و بعد يومين سأل صفوق عن ظاهر قالوا له عند علي فذهب صفوق على بيت علي ليراهم جالسين مع بعض ويتبادلون الحديث بينهم
وقال صفوق كيف جالس مع ظاهر وهو خذى حلالك من امام بيتك وردعليه علي ابن سريحان
كفاك شره يازبون المقافي =طويت صميل شياهنا باول الحين
لكم عدد شعرهن عوافي = انتم بحاجتهن وحنا غنيين
وظحك الشيخ صفوق على هذه الابيات وقال ردوا حلال علي فرد ظاهر لاياطويل العمر ومثلهن من عندك
ومثلهن من عندي فكثر حلاله على طيبه الذي لم يتغير حين اخذ حلاله وبقيت علاقته الجيده مع ظاهر
وعندما قتل ظاهر اسودت الدنيا في عيون علي ابن سريحان واخذ يبعد مع هل الحلال عن البيوت وهو في طريقه رأى
خلوج تحن فأجابها بهذه الابيات
الله عليك بحنتك ياخلوجي= لاتفطنين قلوب ناساًمرنين
لاتفطنين اللي بقلبه يلوجي=جمرة غضا والقلب ياخذ ميادين
لاقابلك بالصوت بحسن رعوجي= لمن اريح البال وانتي تريحين
انتي غدالك حاشي تكل بوجي = ثمنه لياطب المبيعه بعشرين
وأنا على ظاهر وسيع الفجوجي= اللي بيته يشبعون المساكين
لاياخذ العقبه ولا ارياه عوجي = من خلقته ماحلف الشمري دين
خريصات فوق الخيل مثل البروجي = على ثقيل القوم للروح مهدين
وليا لكد خيالهم مايموجي = واحلوهم للضيف وللقوم كرهين
الا بنو الخير سمنن يروجي= مقاصم البولاد ماهم خفيين
وبعد ان اخذت الدوله العثمانيه الشيخ صفوق واعدمه العثمانيين
كانت حالة شمرسيئه بذالك الوقت بعد اعدام صفوق وماوصلت اليه من تردي الاحوال وسير عنزي اسمه المولج
على علي ابن سريحان والله ان صفوق له جماله علي ابي اخذ عياله جيران وبهذا الكلام
اراد ان يغيض علي السريحان وفعلاً رد علي بهذه الابيات وهو يخبره
العام يتعطى من صفوق وقال
ياراكب حمرا من الهجن حايل =مادرهمت مع تالي الذود لحوار
سلم على اللي له علينا فضايل= من ربعنا اللي كودهم بعد الاذكار
قلبي عليهم حن حنة صمايل = وحياة كساي السحاليل نوار
وجدي عليهم عد ماسال سايل =او عد مادش الحيا خشم سنجار
اوعد رملة طعسةٍ دون حايل =او عد حب زروع من ليث الانهار
دنياك ياالمولج خبيث الدغايل =وان ساعفت تاتي سريع بالانكار
العام وانت عندي تدور العدايل= واليوم بيت المجد تبغيه لك جار
هذا ماعندي لابن سريحان وارجوا من عنده اضافه يضيفها لنتعاون على تسطير تاريخنا
صداقة الشيخ ظاهر فارس الجربا والشاعرعلي ابن سريحان
العرض العادي
