الأمير عبيد بن رشيد.......ومحبته للجرباء

### قصيدة نادرة الأمير عبيد بن رشيد .... تظهر محبته للجرباء ###

ومناسبتها أن شخصاً يدعى سمْير بن زيدان كان ذا ثراء ونفوذ قدم إلى حائل طالباً العون والمدد من آل رشيد في القضاء على الشيخ عبدالكريم الجرباء نتيجة نزاع على الزعامة في نواحي شمر الجزيرة(العراق وسوريا)، ومعاهداً بتقديم فروض الولاء والطاعة في حال قبول طلبه. وكان سمْير ينتمي الى تلك المنطقة التي يحكمها آنذاك عبدالكريم ، ولما كان لعبد الكريم من مكانة خاصة في قلب عبيد قال هذه القصيدة ناصحاً ابن زيدان.....يقول فيها:

ياسمْيـر بن زيـدان وش لـك بالأبـلاش
*******************وش لـك بربـعٍ مالـك الله يطيـعـون
وش لك بنقـل السيـف تشريـه بادبـاش
*******************ليـا عـاد ما بالسيـف روسٍ تقصـون
ليـا عـاد ما بالبيـت تسعـيـن حـرّاس
*******************تسعين مـع تسعين وألـفٍ يعـيـنـون
عبـدالكـريم الـداب للـسـاق نـهّـاش
*******************إن هـز ربعـك يابن زيـدان يـاتـون
والله ما تـقـعـد مـريـحٍ على فـراش
*******************ولا تهتني بالنـوم تقـل صابـك جنـون
ليـا عـاد ما لك من ثنـايـاك نـتّـاش
*******************ترى اللحم ما ينّـتـش غير بسـنـون
سيـفٍ بليّـا رجـال مـاطـاع هـوّاش
*******************والصلـح أحسـن مـار مما تقـولـون

الأمير/عبيد بن رشيد.

 

 

 

 

 

 

 

 

 

 

هلابك ياراعي الصرخة وأشكرك على القصيدة النادر يابعدي

 

 

 

 

 

 

 

 

 

 

الله يعطيك العافيه ياراعي الصرخه

 

 

 

 

 

 

 

 

 

 

يعطيك العافيه فعلآ قصيده جميله واكيد رائعه سلمت اناملك

ابن برزان

 

 

 

 

 

 

 

 

 

 

يــعـــطــيــك ألـــف عـــــافــيــــة

ولدالطنايا

 

 

 

 

 

 

 

 

 

 

يعطيك الف عافية ياراعي صرخة على القصيدة ورحم الله الامير عبيد ابن رشيد.

 

 

 

 

 

 

 

 

 

 

أشكركم على مروركم جميعا

 

 

 

 

 

 

 

 

 

 

يعطيك العافيه علي المشاركه الطيبه

والله لايهينك


تحيتي

 

 

 

 

 

 

 

 

 

 

تسلم اخوي راعي صرخه لا هنت

لك الشكر والتقدير على الابيات الرائعة


تحيتي لك

 

 

 

 

 

 

 

 

 

 

عبـدالكـريم الـداب للـسـاق نـهّـاش
*******************إن هـز ربعـك يابن زيـدان يـاتـون


..
.

كفـو والله بإبن رشيد وبإلجربا ..



لاهنت يالغالي وبيض الله وجهك :)