بسم الله الرحمن الرحيم
والصلاة والسلام على رسولنا الكريم ..
السلام عليكم ورحمة الله وبركاتة ..
أسعد الله صباحكم / مسائكم
تحية طيبة ، للقائمين على المنتدى و الأعضاء الكرام .
بين الحين و الأخر تسطر الأحرف أبياتاً يتيمه ،
لا تكتمل لـ قصيدة و فضاء تويتر له دور في ذلك .
فأحببت ان اجمع بعضها هنا و أشارككم بها ، واعذرونا على القصور .
=======================
* فيض عشقي زاد .. يا معشوقتي
* و امتلى سدي من عيونك ... بَحَرْ
* انتي خيالن لي وقع .. في دنيتي
* وانتي حقيقه من خيالي .. لي عَبَرْ
=======================
* ما يجي عقب الغسق الا سَنا
* يبلج الديجور لو دلهم سنين
* لو تطول الهيمنه باللي جَنا
* يخسفه ربي مدام الله عوين
#حقيقة
=======================
#ثلاث_مدن_تعشقها
* الاوله ، (حايل) و قلبي لها حيّ
* و الثانية (حايل) مورخ سناها
* والثالثه (حايل) ولا غيرها شيّ
* هذي ثلاث ديار قلبي .. هواها
=======================
* القمر .. لو كان عنده بعض دمْ
* ما كان يطلع في حظورك دقيقه
* تربعي .. في عرش شاعر تعلّمْ
* منك الجمال .. ومبتغاه و طريقه
=======================
* يا صاحبي تدري ما عاد بخفيك ،،
* السد باح .. و بيح الشوق سدي ..
* وشو له الفرقا .. و انا ميتن فيك ،،
* وشوله احيا .. و انت منته بعندي ..
=======================
* الليل يـشعـل .. للمحبين .. شَـمعه
* والليل للموجوع ( تقليب الاوجاع )
* والليل للشِّعــار .. هوجاس سَـمْعه
* والليل لـ (الفالح) من لـ ربه انصاع
=======================
* عين(ن) تنام و عين اخرى ما غفتْ
* و اللي يهوجس تــاهـ في هوجاسها
* يــا عيني اللــي مــا بكتْ ولاَّ شكتْ
* الــى متــى بالنفس كبـت احساسها
* يــا ويلها .. نفسن ردية ما درتْ
* ان الردى سمّ(ن) يصب بـكاسها
=======================
* اللي يبي يرحل .. دروبه وسيعة
* وعساه ع الفرقا قويه .. مباديه
* امّا انا .. والله ،،، فيني طبيعة
* لا اتبع المقفي و لا اعتني فيه
=======================
* أشيل حمل الزمان و أتحمّل .. غثاه
* و أصبر على مر اليالي .... لــيالي
* و أعسف هوى نفسي ولا كنّي ابغاه
* و أكسب من العثرات (زيد احتمالي)
=======================
* وش بقى .. محدن على قلبي ، طغى
* غـير زول(ن) ،، يشبه السكر نبات
* ترتوي عــيني .. بشوفه .. و الهنى
* في مبسم اللي .. قاهرة كل البنات
=======================
* تمشي سنه ، تتبع سنه ، والا مشت مامن رجوع
* و الفعل لا منّه حصل ... يــبــقــى بـوسط كتـابها
* هذي هي الدنيا شبع .. ثم عـقبها تـرجع تجوع
* ليلة رخا ... ليلة شقا ، تـفـتـح و تـقـفـل بابـها
=======================
* يا مل قلبي .. لا لفتني طوارية
* ويا شوق عيني لا تذكرت زوله
* يالله عسى رحمات ربي تغطية
* ويالله عساه لجنتك من دخوله
=======================
* لا حظرتي فاحت اشجان الورود
* ولا بسمتي تقطر شفاهك عسل
* لحفيني شوق .. يجتاح البرود
* و ارسميني ، في لياليك الامل
=======================
* لو كان عنها شمسي اليوم ..غابت
* شمسه .. فلا تغيب عني لو ، شويّ
* حبّه على كل الجزيئااااات .. نابت
* يا حظكم فيها من الناس.. يا طيّ
#حايل
=======================
#أشعر_بأنني
* الشعور اللي يجي من عقبكم .. ماهو شعور
* كلّي خلايا ميته ،، واحساس .. ما عاده بقى
=======================
صوتُ رقيق .. و نظراتٌ تقلّبها
عينٌ لرؤيتها سِرنا على الخطرِ
أ اكتب الحرف وآلاهات تطرقها ؟
أم يكتب العشق بدراً قد ملا نَظَرِ!
#فصيح
=======================
أَوَكُلَّمَا نزف الفؤاد من الهوى!
صاحت حروف #الشعر من أبكاني؟
يا حرفُ اني قد جنيتُ .. بـ حبِّه ِ
لا يشتكي أمراً .. جَنابُ الجاني!
#فصيح
=======================
وسلامتكم ،،،
دمتم بود
#عبدالعزيز_حمد
مقتطفات من تويتر .. بقلم : عبدالعزيز حمد
العرض العادي
