الصورة اللي معك بالعرض بكتني

صورة المرحوم حاطها ولده بالعرض ويوم شفتها كتبت هذه الابيات

الصورة   اللي   معك   بالعرض  بكتني
ياشفتها     سبّلت     عيني     عبايرها

ياشفتها    عبرتي     بالصدر     تكتني
اصارع    الدمع   والعبرات    اقهقرها

انا    عيوني     عقب   فقده   تبلوتني
الدمع  في  موقها   حرّق   محاجرها

مرحوم   ياللي   عليه   العين   قزّتني
تنثر    دموعه    عسا   ربي   يصبرها

اخوي  درعن  ظفا  ستره  على متني
نفسي عقب فرجته  ضاقت  معابرها

العين   عقبه   من    العبرات   وازتني
تهل  دمعن   تضايق   وسط   ناضرها

سود الليالي  على  الاحزان   ساقتني
وموارد   النفس    مر الوقت   كدرها

حمولة  الوقت  جارت  واكهلة   متني
واركت على مهجتي حامي مخاطرها

عيني قزت واسبلت دمعه وضامتني
وعجزت ارده عن الدمعات واقهرها

غصبن عليّه دموع العين زارتني
يامكبر الفقد والعبرات مقشرها

مشعل عسام التريباني الشمري في 26/10/1441هجري

 

 

 

 

 

 

 

 

 

 

صح السانك الــــــــــــــــف وعظم الله اجرك

لاعدمتك

 

 

 

 

 

 

 

 

 

 

صح بدنك شكرالمرورك لاهنت

 

 

 

 

 

 

 

 

 

 

صح بدنك شكرالمرورك لاهنت اخوي السكبه

 

 

 

 

 

 

 

 

 

 

صباح الخير إسمح لي أبدي إعجابي بقلمك وتميزك وإسلوبك الراقي وتألقك ,,

 

 

 

 

 

 

 

 

 

 

اخوي حمدالغيثي
شكرالك على هذه الكلمات الطيبه بيض الله وجهك

 

 

 

 

 

 

 

 

 

 

الله يرحمه ويسكنه فسيح جناته وصح لسانكك

 

 

 

 

 

 

 

 

 

 

جزاك الله خيرورحم الله والديك اخوي بدر الخمسان
شكرالَرورك لاهنت