ابيات ترحيبيه باللواء متقاعد وعضومجلس الشورى تركي حمود العنزي في مجلس محمدسميان الجعفري الشمري
عطونا الزاج والبوك المسطر
سفير الشعر حل وجاب مابه
نبي نكتب ونبحر بالقوافي
ونسوق القافيه سوق الجلابه
تراحيبن بضيفان الضياغم
هلا المجد الموثق والرحابه
هلابك يابويوسف عندشمر
عدد ماهل همال السحابه
عدد مارزم سحاب الوسم وامطر
ومن يحضر بصحبك مرحبا به
نرحب فيك في بيت ابومتعب
عريب الساس والطولات جابه
صخين مابخل في راس ماله
على البذل الصخي تهذل ركابه
يروم المرجله والطيب ملكه
حوى كل المراجل في رحابه
بنا بالطيب لاهل الطيب بيته
كريمن دايمن مايصك بابه
هلابك في مظيفه مرحبابك
نرحب فيك ياساس النجابه
خوي طيب ولك فعلً مجرب
فعولك ما توفيها الكتابه
مللكت المرجله والطيب كله
وسيف الطيب في كفك نصابه
ورثت المرجله من روس وايل
صناديدن تهقوي من هقابه
وختم القاف صلى الله وسلم
على محمد ( واله) والصحابه
عليه افضل صلاتي والسلامي
عدد رمل الوطى واللي وطابه
مشعل عسام الغافل التريباني الشمري في21/4/144 2هجري
ابيات ترحيبيه باللوى عضو مجلس الشورى تركي حمود العنزي في مجلس الاخ محمدسميان الشمري
العرض العادي
