لامن تضايق خاطري قلت زعال
للكايده رجلٍ يحل الثقالي
تستاهل التمجيد والله من الخال
الله يعزك ياكريم السبالي
مبروك نيل الترقيه خير منوال
كفو كفو لانك رقيت المعالي
تشبه فعول الذيب والذيب يختال
الذيب مايرجع من الصيد خالي
لاقلت له شيٍ يطيعن على الحال
كلمه هلا يامرحبا فيك خالي
هذا البناخي مايحسب للاموال
والياغزاء مثل ابوزيد الهلالي
انت البطل تنعد من ضمن الابطال
تقدم على الموت الحمر ماتبالي
ابوك جايز للصعيبات حلال
ماهي غريب الطيب لانك مثالي.
نال الحميا والكرم ميزته نال
جزيل والطيب يحب الجزالي
له مجلسن لارحت له يطرب البال
تلقى الشحم ومسطرات الدلالي
انت الفخر تسوى 80 رجال
وانا شمالي وافتخر بالشمالي
مع التحيه تاصل سناب زعال
من واحدن غالي وبالقلب غالي
ابوبادي