الأخ العزيز وابن العم/ العارف السريّع ..
أولاً كل عام أنت والجميع هنا بألف خير بمناسبة عيد الأضحى المبارك .
وثانياً أشكرك شكر جزيل على إيرادك قصة حدرة السلمان للعراق والسلمان هم أقرب الناس لنا وهي بلاشك قصة بطولية تنومس وترفع الراس ومفخرة ليس لإصحابها الرجال الخمسة فحسب بل لكل سلماني وزميلي وسنجاري .
والف نعم بكم كلكم يالسلمان الحيين منكم والميتين .. والله يرحمهم ويسكنهم جنات النعيم ..
بيّض الله وجيه الرجال اللي ماقبلوا بمهونة وذل الأسر والسجن ومصادرة سلاحهم وفكوا أنفسهم مع كونهم مجردين من السلاح ... والف نعم بالرجال اللي قالوا وفعلوا .
أبي أنشدك عن العريف العراقي اللي تقول بالقصة أنه كان ينتخي بأخته حصة هل كان من ضمن المذبوحين أم تقصد الأسير اللي خذوه معهم وبعدين أطلقوا سراحه ورجع لإهله علشان يعلمهم باللي صار؟!
لي عدة أسابيع مادخلت موقع شمر بسبب أنشغالي ومازلت مشغول ولكني ماقدرت أقرأ هالقصة ولا أرد ولو أنتبهت وقريت هالقصة من قبل كان تلقاني أول من يرد ويشكرك على ذكرها بتفاصيلها الدقيقة .
والسبب لإني كنت دايم أسمع من شيباني الله يرحمهم يذكرون حدرة السلمان للعراق ولكن يروونها بدون تفصيل .. يذكرون أنهم خمسة رجال وكلهم سلامين لكنهم يتغالطون بالأسماء فتسلم على ذكرك أسماءهم .
أكرر شكري الجزيل لك وتسلم يالعزوة .
وكل عام وأنتم والجميع بألف خير .
رد: حدرة السلمان من شمر للعراق وذبحتهم للشرطة
العرض العادي
