زينه طبيعي / بقلمي
الصدر ضاق وبالي اليوم معموس=ماباقي عندي غير تقفيل الاخلاق
لاجيت اسج دق بالقلب هاجوس=ياشين حال العبد لاهوجس وضاق
خطرٍ عليه يصير بالحال منفوس=لاصار حظه في حلا النوم مافاق
مثل السجين اللي ورى الباب محبوس=حكم عليه الشيخ ممنوع الاطلاق
والا كما اللي يسهر الليل مضروس=من شدت آلامه حصل عنده ارهاق
يابو سعد ماتهمني هجمة الروس=النصر لاهل الشام من رب خلاق
ماهمني ياغير ابو طرف منعوس=لا وعذاب الروح من مدمج الساق
غرون زهاه الزين والجسم ممسوس=ماحط بين اشفاه وحمره وسحَّاق
زينه طبيعي يجذب القلب ويحوس=انا اشهد اني لاريش العين مشتاق
يابو سعد اهجوسي اطروش واعسوس=صوب الحبيب اللي على رغبتي لاق
بيني وبينه بالهوى حب وادروس=والحب يبقى لادخل وسط الاعماق
نايف الشويب السليمي