ياالله بْرزقٍ منك ماهو من الناس=رزقٍ يشيل من المعاليق همّه
البارحه نومي حلم فيه الإفلاس=والصبح جاب الكارثه والمطمّه
لاباس ياقلبي من الحزْن لاباس=ماجور من جور التعاسه وغمّه
جرّيت صوتي وانْكسر فيه الإحساس=مثل الطفل لاصاح مع صيحة امّه
ياكليب ماهو ذنْب ياكليب جسّاس=ذنْب الجريح اللي توهّق بْدَمّه
ماعاد به قمّه ولا عاد به راس=ولاعاد به بيرق على راس قمّه
لو عاشت الانفاس من بعض الانفاس=بُكْرَى يموت العبد ويموت عمّه
لا ماذكرت إن الملك يعشق الفاس=بس الأكيد الفاس عنده مْهمّه
كنت احْسب إن الخمْر محتاج للكاس =أثر الخمر يحتاج شرّيب ذمّه
راااس قـــمّـــه .
العرض العادي
