هذا #حسين_الخريصي من حضر حايل ، يوم تضايق خويهم ، شروله سياره جديده هو وخوياه ، وهزن الموقف ، وقصدت به وبخوياه ،، والمقطع موجود ..
الطيب والمعروف مبطي لنا سلوم
فينا الحميا والكرم مانتعداه
اعلومنا تضهر الياصارت علوم
ياكم من المحتاج حنا جزيناه
لاصار عندك شمري منت مضيوم
عند المواقف والفزع لاتحداه
لكن ياليت اللي فعل بالخوي دوم
من لابتي شمر على العز منخاه
شد انتباهي لغطتن من هلا القوم
موقف بطولي من هلا الطيب والجاه
هذا الخريصي بالفعل حيل شغموم
رجلٍ كريم وزاهياتن عطياه
قالو خريصي قلت يومٍ ورى يوم
يكبر بعيني كل ماحل طرياه
هذا الخوي بالطيب مايلحقه لوم
والطيب ماكل الرجاجيل سواه
كله على شان الخوي قال ملزوم
حث الجماعه والعطاء فعل يمناه
قالوله ابشر عندنا منت مهموم
كانه يبي نجم الكواكب عطيناه
اهدوله الموتر ، صناديد وقروم
اهدوله الموتر وقالو شريناه
يستاهل الفنجال مع حبت خشوم
اللي على المجلس تسولف مزياه
واللي تسبب بالوفاء جعله يدوم
الشكر والمعروف للي تبناه
ابوبادي