هذه قصيدة للشاعر / محمد بن هذيل من السبعة من عنزة قالها في محمد العبدالله الرشيد :
يالضيغمي جيتك من الناس مختار = يامودعٍ روسٍ قواسي تلينا
شيخ الشيوخ ان كان عمين الابصار = ضاقت على ربعه وقالوا بلينا
شيخٍ تِظَهّر للعساكر بتدبار = ولا ظهر مثلك على الطفتينا
للضد مثل الحضف في موحش الغار= وللي يود الطف من ام الجنينا
لعل عودٍ عَقّبك ما يجى النار = عساه بالجنه مع المومنينا
عَقّب غْلامٍ كنّه الحر وان طار = صقرٍ الى اوما يفرح القانصينا
تلقى مداسك فيه حافر وقبّار = ومن غب كونك كل قلبٍ حزينا
ابي ذلولٍ سابقٍ ياحجا الجار= قل جتك هي وايّا الكلايف وشينا
خَطْرٍ توافق مثل موجات الابحار =ونفرّح اللي قفونا محترينا