السلام عليكم ورحمه الله وبركاته
عياده بن منيس الخريصي لا يحتاج تعريف وهذه احدي قصصه وهي رمز للحب والوفاء لزوجته
ففي احد الايام اجدبت الارض وقل المطر وجتهم اخبار ان الربيع حول لينه واجمعوا واتفقوا انهم يرحلون كلهم يم لينه
وقالهم عياده عطونن خمس ايام عشان ادق الملح (ملح البارود) لانه كان صياد وباحد هالايام كان يدق الملح وزلت
يد النجر وقدحت بيده وولع الملح وحرقته من رجليه ليا راسه ودريوا ربع عياده باللي صار
قالوا : هذي والله المشكله
ان خليناه قصد بنا وان قعدنا مات حلالنا ومتنا
يوم تكلمت زوجه عياده بعالي الصوت وقالت:
يالسيافا من طرف عياده لا تهتمون هذا قدره م الله ولا احد محاضيه الا انا ولحد موجعه الا نا ولا احد مساهره الا انا
وحنا اكثر منكم بعارين وغنم مار خوذوا الحلال معكم وانا عياده كيف الله بنا ما حطونا بالغار بجبل عرنه
انا حيا تبون تلقوننا وان مات انخا اللي حولي يدفنونه قالوا لازم نستشير عياده
قال عياده : انا موافق انتم ماراح تنفعونن سوا قعدتم او رحتوا اللي كاتبوا الله يبي يصير
وهم يشيلون عياده مع زوجته ويحطونهم بالغار وهم يمشون بالحلال وقامت زوجه عياده ترعي زوجه وتنتبهلو وتصيدلو من هالطيور والحجل وتشوي وتوكله واليا بغا يقوم يتوكا علي زوجته وتروح وتحطب وتش بالنار عشان تدفيه
وحسب الروايه يقولون انه صارله حول ستين يوم وهو مايقدر يسوي شي كل شي علي اللله ثم زوجته
وهالمسكينه ماعمره تأففت او قالت شي او تضايقت ولا قالت كلمه تحس به عياده وكل يوم احسن من الي قبله
ويوم كملوا ثلاث اشهر يمار الديره بربيع وخير ورجعوا جماعه عياده وهو يقهويهم ويعزم جماعته علي العشا
وهو يروح يصصيدلهم من هالبدون وهو يصيدله بدن بحدي هالضلعان ويوم شالوه يمار ثقيل عليه وهو يفتح بطنه ويقرط الكرش عشان يخف ويشيله ويوم نزل من الضلع يمار تعبان وهو يرتكي شوي يبي يرتاح اثاريه نام من التعب
وحلم ان ذلوله يجيها راعي رمح ويضرب زوجته مع الورك وهو يقوم ويتعوذ من الشيطان بس ايقن ان زوجته به شي
او يبي يصير شي ويوم وصل عطا زوجته البدن عشان تطبخه وقعد يراعيله ويتابعه
ويوم شافته زوجته قعدت تراعي لروحه تحسب به شي او متعلق بثوبه شي قالت ياعياده اشوفك متابعن بعيونك
مقاله اللي صار وانه حلم وانا خايف عليك قالت تعوذ من ا لشيطان الاحلام ما تنصدق المهم
صلحوا العشا ويوم تعشوا قال عياده
نطيت ضلعا لاسقا راسـة الحيـا=صعيب من روس العوالي اجنوبها
من يوم ثار الملح قدام ناضـري=مثل المقمع يوم شبـت شبوبهـا
ولي ياعين كل ماقـول خنـدرت=تشبة البرطم شنتا مـن غروبهـا
وثريك ياعيني كفـاء الله شـرة=در يتبها قبل العـرب مادروبهـا
حلمت حلم غث قلبي وخاطـري=واركاء على كبدي بلحامي شبوبها
وفي حدي الليالي وهم نوما قعدت وقالت يا عياده انا اوجست شي عند رجلي وقام عياده ويرفع الغطا يمار
حضف(حيه) علي الورك وهو يذبحه وقال لزوجته انتي سلمتي
قالت لا والله ما سلمت وقاله منين قالت مع راس الورك مافطن الا يوم ماتت وهي تعالم العرب كله
قالوا زوجه عياده ماتت وكلهم حزنوا علي هالمره الطيبه والرحوم وهم يدفنونه
وهو يحزن عياده علي زوجته وقال
يامزنتـا جنـا ضبـابـة وحـنـة=تسقي الخضر وديار غمقين الاضعان
تاخذ علي الرتعـة تقـل يـوم سنـة=من زود سيلة تغرق الانـس والجـان
تقصر عن الخشفـاء ولا سيـل قنـة=الديرة الي ماتبـه غـض الاوجـان
وتسقـي متـان المقبـرة ينفعـنـة=حلون عليهـم طافـي العشـب لازان
ولا تـرى عـن سيلهـم مستكـنـة=دونة صلافيح الكشف بيـن جيـلان
عساة تدخل فـي شفـاء بـاب جنـة=بجاة الرسول محمـد نسـل عدنـان
ماحسبـت لوعـات الليالـي يجنـة=واثار مال محضـر العمـر ميـدان
عرفـت يـوم عضهـا مـع مدنـة=هوشة عديم هاشهـا واطلـق الـزان
ياليتنـي ويــاة نسـكـن بعـنـة=وفكة لنـا والـي المقاديـر وحيـان
وونتـي عيـا ضمـيـري يكـنـة=عليك يالي يومنـا طحـت حضـان
كفـيـف رجلـيـن ولا زهـدنـة=حسيـر مابيـن اليسـاري ولايمـان
يامايديـنـي كـلـهـن لمـسـنـة=ويسهر ياما دافـي البطـن حاضـان
وغدت علـي مثـل القطـاة المكنـة=ياما بريت وسامك العـرش عافـان
ياونتـي تـأتـي ثمانـيـن ونــة=ما قواك يازوري علي كبـد ماجـان
ونيـن راعـي سـابـق ٍ غرقـنـة=شهب النواصي مرضيات بلا رسـان
شهـب النواصـي معلقـات الاعنـة=شهب عليهن مـن شبـاب وشيـبان
تقنطـرت بوجيهـهـن وودعـنـة=بنـات قـواد السبـايـا كحـيـلان
وردن علية الرمـاح زرقـت زمنـة=فـوق البديـم وحدرلمـان الامتـان
وعيني الـي تقـل ناضـوح شنـة=من البير يجذبـة مراجيـح عثمـان
حيلـن تطلـع بـاردا مـن مقـنـة=بقرب تـودع الشهـب الجـم شـذان
غبـت سوانـي والثـلاث اطلعـنـة=يسقن خواوير النخل هن والاضعـان
وخلافهـن رقـط المحاليـل غـنـة=زمار عسكـر دولـت تقـل ديبـان
عليـك بـالـي مالهـتـن بـونـة=صافي الثمان الي تقـل وزن ميـزان
يابـو عيـون ياكمـا وجـة كـنـة=عين الغـزال ليـا تشافـا ورعـان
القبـر صلبـات العـمـد شيلـنـه=برضٍ نراها لسوهج وبـن حركـان
وداعتك سحـم الضـواري لايجنـة=وداعتك قصيرتـك يابـن حركـان
وداعـتـك ولكانـهـن لا يعـنـك=قصيرتك ترى مايهـا مشـي حقـان
وقالوا جماعه عياده ياعياده وشنوحك اشغلت ابن حركان وكل يوم يروح لقبر زوجتك ويحرسه للصبح ويرجع
قال ماهو صحيح الا اشوف بعيني وراح عياده للقبر وامرح بالليل ويوم اصبح شاف ابن حركان يركب فرسه
يبي يرجه لاهله وهو يناديه عياده يااابن حركان
تر عظامه كلتهن الارض
قال ابن حركان: انت ودعتن اياه وانا ماخلي الوداعه الياما تعفينن قال عياده خلاص اعفيتك وانت ماقصرت
وهو يرجع عياده للعرب وياخذ خروفين ويذبحهن عند قبر زوجته وقال هذولي ضحايا لها كل سنه
ان جتها السباع تاكل منها
وشكرا لكم واتمني ان تكون هذه السالفه حازت علي رضاكم
اخوكم عواد الخريصي
العرض العادي
