بسم الله الرحمن الرحيم
كلن تذكر عزوتله من الناس = وانا اتذكر عزوتي الشمريه (( الامير عبدالله الرشيد ))
أخواني الكرام ودنا لو نجمع عرضاتنا التي نعتز ونفتخر بها .... ونحفظها ونجعلها في موضوع خاص وشامل للعرضات ...
فاكل واحد منا يكتب اللي حافظ واللي يعرف من العرضات ... ويتابع معنا حتى نعدل الاخطاء والنقص في بعضهن ....
وحتى ان بعض العرضات مانعرفهن .... فأي شخص وده بعرضه سامع به ولاهو حافظه يقولنا عليه حتى يجيبه اللي يعرفه .. ويكتب لو بيت منه او اللي يعرفه والاخوان ان شاء الله يجيبونه له .........
اتمنا ان الفكره اتضحت ... واتمنا من جميع الاخوه (( هل الصفوف والعرضات )) ان يشاركونا ...
وللجميع التحيه واستسمحكم بالبدايه
يقول دخيل الخوير
كان رب السماوات امرنا = ونستعينه مدير الهبايب
نطلبه مايخيب سفرنا = ياكريم(ن) جزيل الوهايب
كان يسر سفرنا وسرنا = واعتلينا ظهور النجايب
من قفار(ن) وحايل ظهرنا= ما نفاكر بوقت الحرايب
كم صديقن يطيح بنحرنا = والدخن مثل صفق الهبايب
كم صبي(ن) لقلبه جمرنا = نجدعه بين عوج الصلايب
كم حصان(ن) لرجله هجرنا = مايشم الامهار العرايب
كم خصيم(ن) لجمعه دمرنا = نجعله للهنادي ضرايب
يانويديس مارد ثقرنا = مانبيعه لقضب القضايب
كان امرنا الولي واحتزمنا = فزعة(ن) به نسر القرايب
مع مضيق الشعيب انحدرنا= مع طلال(ن) صعوب الحرايب
كان عن عضد حرب(ن) وسرنا = واحتزم كل صبي(ن) وشايب
نعجب اللي بعينه نظرنا = بالوغى دون شقر الذوايب
نحمد اللي عليهم نصرنا = بالوعايد ولاهو بغايب
تايه الراي ياللي حربنا = ماتشوف الديار الخرايب
مايناظر بعينه لثرنا= كم خلال(ن) نحطه نهايب
ماسمعتوا سوالف بقلنا = يامخارب على غير صايب
والوعد خامس(ن) من شهرنا = يامدور لعوج الطلايب
يالنشاما اللي يعرف ينزل العرضه بصوته ويشيله لنا يكون احسن ... لان كثير من الناس يعرفه القصايد بس مايعرف شيلته ...
وللجميــــــــــــع التحيه