معركة الصريف 00 والجنازة 000

معركة الصريف :-
26 / 11 / 1318هـ الموافق 17 / 3 / 1901م ...
والـصـريــف , هو اسم المكان الذي دارت فيه المعركة ...
ويقع على بعد حوالي عشرين ميلا إلى الشمال الشرقي من بريدة ...

فحينما نذكر وقعة الصريف فإننا نتطرق لأحد ابرز واشهر واقوى المعارك التي حدثت في نجد !!
وفي الواقع ؛ لااظن ان احدا ً من اهل حايل او من شمّر او من اي قبيلة اخرى يجهل احداث هذه المعركة .؟؟
فبعد وفاة الامير محمد العبدالله ال رشيد رحمه الله .. !!
تولى الحكم الامير عبد العزيز بن متعب ال رشيد(( الجنازه )) وقد كان نفوذ حكم ال رشيد وصل الى حدود الاحساء وحدود الحجاز وكان يشمل القصيم والجوف والرياض اما عاصمته فحائل ، والى الجنوب امتد الى ان وصل الى مايقارب 170 كم دون نجران ....
يقول راكان ابن حثلين في قصيده الى محمد العبدالله ال رشيد :-

من باب برزان ٍ اليا باب نجران = ماهوب انا يالضيغمي ..انت اميره

فعندما وصل نفوذ حكم آل رشيد - وعاصمتهم حائل .. هذه المواصيل !!
رغب الشيخ مبـارك الصباح السيطرة على نجد , والتقليل من هيبة آل رشيد في الجزيرة , فبارك الإنجليز هذه الخطوة , إضافة لما كان من كره أهل نجد عمومًا وأهل القصـيم خـاصة لعبد العزيزالرشيد , لأنه لم يعرف سوى السيف وسيلة للتفاهم ...
أما من جانب عبدالعزيز الرشيد , فلما كان الشيخ مبارك الصباح قد قتل أخويه محمد وجراح , لجأ يوسف بن عبدالله البراهيم إلى الجنازة وحثه على الثأر لهما من مبارك , إضافة إلى قيام الشيخ مبارك بقتل جماعة من تجار حائل خفية , وهم خارجين من الكويت ...
عطـفـًا على هذه الأسباب , كان لا بد من المواجهة ...
انضم مع مبارك الصباح الأمير عبدالرحمن بن فيـصل وابنه عبد العـزيز , وكذلك أمراء بريدة آل مهنا وأمراء عنيزة أل سليم ، ومعهم ما يفوق الاثنا عشرة قبيلة من الجزيرة , متزودًا بالأسلحة من الإنجليز ...
أما في صف عبد العزيز الرشيد , فلم يكن له سوى شمر , وفرقة مشـتـركة بالجيش من أهـل الرياض بقيادة الشيخ عبد الملك بن عبد الله بن عبد اللطيف آل الشيخ , إضافة إلى فشلهم في طلب المعونة من آل ثاني في قطر بعد أن ألقى مبارك الصباح القبض على مرسول ابن رشيد ,وعرف خطته للتزود بالأسلحة عن طريق العثمانيين من موانئ قطر ...
وقد اقام حاكم الكويت الشيخ مبارك الصباح معاهده سريه مع الانجليز دون علم الدوله العثمانيه وقتها !!

اسباب معركة الصريف :-

1) - رغبة الشيخ مبارك السيطرة على نجد .
2) - أراد الشيخ مبارك والإنجليز أن يقلل من هيبة ونفوذ آل رشيد في الجزيرة .
3) - تأييد بعض أهالي القصيم للشيخ مبارك .
4) - رغبة الشيخ مبارك بالقضاء على إمارة الرشيد وكذلك رغبته بالقبض على يوسف آل إبراهيم .
5) - الإعتدائات على قبائل الطرفين .
6) - قيام الشيخ مبارك بقتل جماعة من تجار حايل خفية وهم خارجين من الكويت .

إستعدادات الجيشين :-

جيش حايل بقيادة الأمير عبدالعزيز بن متعب وأغلب الجيش من قبيلة شمر، وكذلك هناك فرقة مشتركة بالجيش من أهل الرياض بقيادة الشيخ عبدالملك بن عبدالله بن عبداللطيف آل الشيخ( من أحفاد الشيخ محمد بن عبدالوهاب) وكان الجيش ليس بالكثير مقارنة بجيش ابن صباح ...
أرسل الأمير عبدالعزيز الرشيد مبعوثين لقاسم بن ثاني أمير قطر يطلب الدعم ، ليتزود من ميناء قطر من العثمانين بالأسلحة ، ولكن فشل في ذلك فقد قبض مبارك الصباح على المبعوثين وعرف خطة الجنازة في كيفية الدعم ، ففشلت خطته ، فقد كان موقفه صعب إذ أن موانيء الكويت وقطر مغلقة بوجهه ، والطريق إلى العراق غير آمن .
ولكن بدأ الإستعداد دون معونة أحد معتمداً على الله ثم على أهالي حايل ..
جيش الكويت بقيادة الشيخ مبارك بن صباح وكان قد قام حلف بين الشيخ مبارك والكثير من القبائل للقضاء على دولة آل رشيد، واختلف في عدد الجيش فقيل 10000آلاف وقيل 13000ألف وقيل 30000ألف..!!
وكان الجيش يضم الأمير عبدالرحمن بن فيصل وابنه عبدالعزيز وكذلك أمراء بريده آل مهنا وأمراء عنيزة أل سليم، وقد تزود هذا الجيش بالأسلحة من الإنجليز وهي حوالي 5000 بارود ، أما القبائل المشتركة فهي :-
الظفير : بقيادة الشيخ جعيلان بن سويط ...
المنتفق : وهو عبارة عن عدة قبائل مجتمعة تحت حلف واحد ، بزعامة الشيخ سعدون باشا السعدون ...
مطـير : وقد اختلف من هو شيخ مطير أثناء معركة الصريف ، فقيل الشيخ سلطان الدويش وقيل أنه الشيخ فيصل الدويش ، فاختلف في من هو شيخ مطير ولكن أغلب المؤلفين يقولون أن شيخ مطير في ذاك الوقت هو الشيخ سلطان الدويش ..!؟

وهذي اغلب القبائل التي جاءت غازية مع ابن صباح :-

1- مبارك الصباح ومعه 700 من أهل مدينة الكويت
2- ال سليم أمراء عنيزة
3- أل مهنا أمراء بريدة
4- قبائل الظفير ورؤسائهم جعيلان بن سوسط وهزاع بن سويط
وخالد بن غيلان بن سويط وحمدان بن ضويحي ومناور بن هضبان
5- مطير ورئيسهم سلطان بن فيصل الدويش ونايف بن بصيص
6- العجمان ورئيسهم محمد بن حثلين
7- بنو هاجر ورئيسهم ابن شافي
8- أل مرة ورئيسهم ابن منيخر
9- سبيع بقيادة ظرمان ابو ثنين
10- السهول رئيسهم جلعود
11- قحطان رئيسهم حشربن وريك
12- الجبلان رئيسهم صاهود بن لامى
13- العوازم رئيسهم مبارك بن دريع
14- الرشايدة رئيسهم محمد بن قرينس
15- عريبدار
16- عتيبة رئيسهم الشيباني
17- ألامام عبد الرحمن الفيصل وابنه عبد العزيز
18- قبائل المنتفق ورئيسهم سعدون باشا
19- الرولة
وعدد كبير وجموع من البدو اللي اشتركوا طمعاً بالغنائم .
ويقول الشاعر العزي ابن عبيد (راعي البره) عن جيش ابن صباح:-

من كل غواص وسيب يجيبه= وباللي يحدقون السمك زام حراب
وعريب الدار وكل من يلتجي به= وراع النفاق ومارج الدين ماغاب
وجموعة العجمان ولي حظيبه = مع الدويش واتلاهم والأجناب
والمنتفق وإبن شريم ونسبيه= وسكانت النقرة وسالم وغصاب

خطة مبارك الصباح :-

قام الشيخ مبارك بوضع خطة للسيطرة على نجد والقضاء على إمارة الرشيد ، وكانت الخطة أن يتجه عبدالعزيز بن عبدالرحمن آل سعود إلى الرياض ، وأن يتجه آل مهنا إلى بريده وآل سليم إلى عنيزه ، وأما باقي الجيش يقاتل جيش آل رشيد ...
عندما وصل الجيش إلى روضة التنهات توجه عبدالعزيز آل سعود بألف رجل لفتح الرياض، وحاصر الرياض 55 يوم يقول عبدالله فلبي(( أن عبدالعزيز اقتحم فعلاً أسوار الرياض ، ولكن أهلها التفوا حول أميرهم، وقاتلوا قتال المستميت ، حتى كسر اصبع عبدالعزيز)) وكان من أكثر المدافعين عن المدينة الشيخ محمد بن عبدالله بن عبداللطيف آل شيخ مما جعل عجلان أن يهدي الشيخ فرس ، وعندما كان الملك محاصر للرياض أتاه رسول من والده يخبره بهزيمة الجيش ويأمره بالعودة إلى الكويت ...
آل مهنا وآل سليم فقد نجحوا في دخول بريده وعنيزه !!!

ليلة المعركة وصباحها :-

كان الأمير عبدالعزيز قد خيم في الصريف، وأما الشيـخ مبارك فقد خيم في الطرفية. في يوم 25 ذي القعدة وفي الليل اجتمع مبارك مع شيوخ وكبار القبائل يشاورهم بشأن الحرب ضد الرشيد.
وكان مع ابن صباح ( 27بيرق ) وارسل ألف مقاتل مع عبد العزيز بن سعود إلى الرياض وقال ابن صباح أنا معي قوة ما تقهر ونا ماقدّامي إلا ّ شمر وبجيب ابن رشيد وبوقعه على بياض وابي اذله وابقضى على دولة شمر وأيدوه الموجودين !!؟
وقال له العزي راع البره يقال انه من عتيبه .. هل تعرف ابن رشيد؟؟؟؟
قال ابن صباح ( أنا ما اعرفه اعرف عمه وآلا هو حكم من سنتين وهو شر وشرير !! وش يصير؟؟
قال العزي يصير شي كثير !! لا تتعب نفسك وترسل له المراسيل تره هو يدور عليك .. وتره وصلك اليوم والا الليلة والا ّباكر حط حراس لا يغرك المنافقين .. ترا ما بهم اللي ماانكوا بناره !!؟
وقام ابن صباح وثار عليه وقال وش ها الصباح الأقشر !!؟
كان جيش مبارك الصباح متوقعين النصر وذلك لكثرة العدد والعدة، وكان الأمير عبدالعزيز الجنازه يريد تأخير المعركة إلى اليوم التالي ، ونصحه رجل بأن يسرع بالهجوم وقال : مبارك اليوم ما له عز ولاسعه لأن البارحه ذكرى تاريخ ذبحته لأخويه محمد وجراح ...

وصف للمعركة :-

بدا جيش حايل يعرضون عرضات الموت ...
يقول نعيم الفرحان من عبيد الرشيد:-

ياهلا الغالي=يالابتي أوي من لابه
نحمد الوالي=يوم ان عمّي نط مرقابه
شال وإشتالي=نبغي لحرب الشيخ واصحابه
نلبس الشالي=وان حل يومٍ فيه ضبضابه
نرحص الغالي=دون الجبل وخشوم صبابه
ظبي الأسهالي=من فعل ربعي تضحك أنيابه
غوش جهالي=وان طب سوق الموت جلابه
طقه الجالي=ولا لقى شيٍ يتهقوابه

ويوم انتهوا من العرضه قام كل واحد يودع أخوه ...
وهاجم عدد من الفرسان جيش ابن صباح ولكن واجههم البوارديه وبدوا بإطلاق النار عليهم فرجعوا، وأمر الأمير عبدالعزيز بأن تساق 40 ناقة
من الصخريات (نياق ال رشيد) ويكون الجيش من خلفهم وقد قتل في بداية المعركه ابناء حمود العبيد ال رشيد
(سالم ومهنا ) رحمهم الله ....
وكان الأمير عبدالعزيز متعصب بعصابة حمراء وبجانبه طليفيح يحمله راعي البيرق ، ومن حوله عدد من أسرة آل رشيد ...
ويوم بدأت المعركة وتقهقر جيش ابن صباح ، فهج ّ الكثير من الجيش وخاصةً البدو. ولم تستمر المعركة كثيراً حيث أن جيش ابن صباح انكسر بعد فرار الكثير من الجيش ، فانهزم الجيش هزيمه نكراء ..!
وغنمت شمر الكثير من الغنائم ...
ولدرجة ثقة جيش ابن صباح بالنصر كان غدائهم بالقدور جاهز ..؟
وللعلم أن ابن صباح حين خروجه قال للطباخين :
( نبي ناصلهم وننهيهم زينوا الغدا نبي نتغدا بهذا ماحنا مبطين) !!!
وهذا بسبب تيقن ابن صباح كسب المعركة لكثرة البيارق اللي معه !!؟
وتفاجأ الطبابيخ بدخول ابن رشيد ومن معه عليهم ليتغدوا غدا ابن صباح !!!

وأبن صباح هذا هو الوحيد اللي تبقى من الصباح ...
وما الصباح الحاليين إلا احفاده ..
فر شيوخ القبايل كلهم وكلن رجع إلى ديرته ...
وفر الشيخ مبارك هو وامرأته إلى سدير وبالتحديد إلى الزلفي ...
وركب بعير وتوجه نحو الكويت .!؟
ويرد مبارك هزيمته إلى البدو المرافقين له الذين انقلبوا عليه ونهبوا رجاله ...
ويروي مبارك بأن شيخ بريدة قد وصل في 400 فارس بعد أن انجلت المعركة
وأن ابن رشيد لاحقه ، وشتت رجاله ، وقتله ، وفرض على بريدة 30000 ريال غرامة ...
ويدّعي مبارك بأنه خسر حوالي 2000 من رجاله !!
منهم حمود أخوه ، وخليفة بن عبد الله الصباح ابن أخيه ...
بينما يقدر خسارة ابن رشيد بأربعمائة قتيل ...

00بعض المعلومات التي لم تذكر عن هذه المعركةأحببت أيرادها للفائدة :-

1- ماجد الحمود رحمه الله تعالى لم يقتل في الصريف
وأنما أصيب ومرض بعد تلك المعركة الشاهد قصيدة والده حمود العبيد

هلا هلا بيك يالوجعان .... ياللي صوابك جرح كبدي
ياخو الطريحين بالميدان .... اللي سبايبهم الربدي

2- من المشاهد المهمة في تلك المعركة :
(( تحويلة شمر بالعمّارِيات ))
والعمّارِيات هن البنات اللي يرقصن قدام الجيش تحفيزاً للشباب هل الخيل على الأقدام على الموت وعدم الخوف والتراجع ...
وقد حولوا عيال الطنايا بسبع بنات عمّارِيات مع جيش ابن صباح وكل واحدة حولة بوجه فارس من فريس شمر وقد حرص أبناء الطنايا على حفض كرامة تلك البنات والعوده بهن الى حائل وأكرامهن ومن ثم أعادوهن الى أهلهن سالمات على سلم العرب. والذي تخلى عنه الكثير في ذلك الزمان ...
وكانت إحدى تلك العماريات هي أبنة الشيخ ابن نقادان أمير العذبة من بني مره , والتي قال لها عبدالعزيز بن رشيد يوم حولوه وين ربعك ماأعذروا دونك ؟؟؟! قالت يامحفوظ جوهم ناسٍ مايقبلون العذر .!!

ثم أنشدت قصيدتها المشهورة :

يانور عيني ياهل لبده =ياللي على الجمع دلاّقه
ابن صباح أنهبد هبده =سعدون ماطلّق نياقه
هرج صحيح وله زبده =ماهي سواليف ملاّقه
حلت باطاريفهم عبده =والأسلم حماية الساقه

* للمعلومية حول هذه القصيدة فقد كتب عنها مع الأسف كل من
1- الشاعر طلال السعيد
2- والباحث ابو عبدالرحمن بن عقيل الظاهري
3- والباحث عبدالله الدويش
وقالوا أنها للأمير/ عبدالعزيز المتعب وهذا خطاء والصحيح
هو ماذكرفي اعلاه ...

3- كان للصخريات قائد يقودهن من العجمان مع شمر وفي ذلك اليوم اعطى بن رشيد القيادة لغيره خوفا من أن تثور حميته مع بني عمه , فبكا وقال يامحفوظ شمر اليوم عندي ألزم من العجمان وعلى الفور رده الأمير مع قادة الصخريات ...

اتمنى ان اكون وفقت في نقل شيء من الحقيقه
((منقول من مضايف شمر))

للموضوع بقية >>>>

 

 

 

 

 

 

 

 

 

 

بعض القصائد التي قيلت في تلك المعركة ...
يقول حمود البدر(بعض الأبيات) :-

ياراكبين اكوار ستٍ تبارا=فج النحور افحاث مابين الأزوار
قولو وصاة محمدٍ بالقرارا=نسيتها سجيت ياعمس الأبصار

فرد عليه الشاعر الكبير صالح السكيني
من اهل شقراء
قبل المعركه لأنه كان يعرف قوة جيش ابن رشيد
وان اخو رثعه
ماينسحب خوف من احد فقال :-

ياعلي جفني عن كرى النوم دارا=كنه يحط بناظر العين سنجار
سهران مالي يانديمي قرارا=يامسندي وشلون ضاعن الافكار
ناظر ركاب حمود جتنا تبارا=ومشيّع ٍ مدحه على السيف بالكار
ياعلي قرب كيتب لي خيارا=وسجلةٍ نكتب بها عدل الأسطار
نرسل جواب من حشا الصدر ثارا=مثايل ماقالهن كل شعار
وخلاف ذا دنيت ناب الفقارا=راسه الى شال الخطر تقل به زار
إنشر من الجمعه وتال النهارا=نطوك ورى وبرك يطلعن الاشعار
وانشد عن المطران وعريب دارا=وسنّع مبارك منزله وين هو صار
تلقاه بالصمان دون الزبارا=يرعى بريضان زهت كل نوار
القول قبل الفعل مابه ممارا=والذم مايدقم طويلين الاشبار
وقولٍ بلا فعلٍ لو قيل عارا=تراه مثل اللي نفخته بمزمار
والكذب محدٍ فيه بايع وشارا=يكمل ولو هو عايش كل الاقطار
والصدق يوضي بالدجى له نوارا=والكذب مايرفع عواميد سيار
طير البحر ماينوصف للحرارا=لو طار تلقونه على سيف الابحار
والخيل غمق طنيها والمهارا=والنار يقبس من مقابيسها نار
تمدح مطير ويام عنكم يسارا=في ضفكم يرعون من عشب الاقفار
لاشك لامن أشهب الملح ثارا=هجّو وخلّوكم على جانب الدار
لابد من يومٍ يجيله كرارا=تشوف ( علوى ) بأول القوم ذيار
جاكم ولد متعب ذعار السكارا=ماض الفعايل (..........) ودّمار
له لابةٍ مايلبسون الوزارا=ولا جمّعوهم من حساوي وبحار
سلات اهل حايل عيال صغارا=لطامة العايل قبل دور الأبكار
ان سبلو بالكون جولك نصارا=قبيلهم لاشافهم يعطي إدبار
وبأيمانهم صنع العجم والنصارا=وموازرٍ تشبه هماليل الأمطار

بعد الإنتهاء من المعركة وإنتصار شمر، تغنى الشعراء
بهذا النصر الكبير ...
وقال الأمير عبدالعزيز الجنازه لواحد من أخوياه رح لحايل وعلم الأمير حمود العبيد تراه ما ينام و بشره بالنصر وعزه بالعيال
وخذ هالبيتين ، يقول الجنازه :

يا هيه يا راكب المرسون = سلم على ساهر الليلي
قل ابن صباح وبن سعدون = وبن سعود وبأ الخيلي
كسرتهم والقضي ممهون = بعيال شمر على الخيلي
اركض كما شوشة المجنون = سبحان رب مسويلي

وللعلم فالامير عبد العزيز ليس شاعر ولم يقل الشعر قط ..؟
الا مرتين ..!! القصيده السابقه ..
والمرة الاخرى التي قال شعرا فيها ، قبل وفاته بأيام :-

راع الجمل وده يطيح = واللي على متنه رماه
ياعيال انا مالي نطيح = مليت من تال الحياه

ويوم وصل الرسول للأمير حمود العبيد تألم حمود لوفاة ابناؤه
لكنه فرح للنصر المتحقق فقال :-

عزاه ياقلب من العام ملهود = ولا جت علوم الغزو ينساح باله
وإلى أبطوا الطرشان تلقاه منكود = مثل الغليث اللي يحسب لياليه
والله لولا حبكم يافتى الجود = لا حج بيت الله واصلى قباله
يالله ياللي للمخاليق معبود = يا الواحد اللي كل حي يسأله
تجعل سهمنا يمت الضد مقيود = بسلامة اللي وافياتٍ اخصاله
عبدالعزيز اللي على الحرب والكود =يصبر كما تصبر عرايب جماله
عطاه ربه خلةٍ مثل داوود= ولين اقلوب الترك له وإستماله
من العام غزاي على خير وسعود = ما ديرة إلا بناية ظلاله
الله يعين الخيل ويقوي القود = عليه لا سنه تعلى رحاله
واللي فتق فتق وهو كان مسدود = ذبح الجمل يقطع بزوره شماله
وإن ما مضى شئ ترى الحكي مردود = انشد بريدة وإنشد اللي حواله
واللي تمنا الحرب ماهوب مردود = من حربنا ما حصل إلا الرزاله
تر حربنا مثل البحر ما بها زود = الغبه اللي موجها فوق جاله
داخله مفقود وطالعه مولود = ما اهبلك ياللي خابر وتعناله
وش عندنا الربع لدعيج وحمود = وعريب دارٍ يوم تطرد اشغاله
يقول مالي اجي نجد مقصود = إلا الأمير احولُه من جباله
وابوه ما اكبر فزته يافتى الجود = وابوه لو هو حالمه كيف قاله
هو ما درى أن اجبالنا الحمر والسود = عين على الطباخ في كل حاله
وابوه مانا خابر يطلب العود = ولا عندنا له قالةٍ به مقاله
غره سلاحه خمسة آلاف بارود = ومطير وسبيع ويام ٍ صياله
مثل الحبوش اللي يسوقون محمود = وأهلكهم الباري بعزة جلاله
نقلهم الله لين جو حول أبو الدود = ومن دمهم هاك الطغاميس أساله
حامو عليهم بالبواريد وفرود = ومبارك ٍ نجاه ربه لحاله
ماله شبيهٍ كود فرعوننا العود = اللي نجا والقوم تفرق قباله
وفرعوننا المذكور وإبليس العود = أطيب منه وأذرب منه في فعاله
ما هاب من ربه ولا خاف منقود = أمه لقع قلبه وشمت بخاله
شيبان أخوانه مصلين ورقود = في فرشهم ذبحوا بليلة ٍ غياله
وإن كان عند أمه جنيهات وعقود = لزما ً يغوله مثل غولة عياله
ونكس علة قومه بخسرا مفقود = ومن ذبح منهم وخِذ شطر ماله
((خلوه بكويته )) وراحوا على القود = وكل ٍزبن له ديرة ٍ في حلاله
يالله أنك تعز الشيخ وتدله=دعوت العبد يامولاي وتجيبه
يوم جانى أخو مريم وربع ٍ له =هيّض مطير والعجمان وأجنابه
جاك شرهـ ٍ على حايل يبي ظله = ما درى أنه بلاد دونها لابه
حايل ٍ حايل ٍ كل ٍ يبي ظله = مار أبو متعب بالسيف عيابه
وين فيصل وشرب الكيف بالدله = ماثنى سابقه لارحم من جابه
وين سعدون ومرده لعبدالله = يوم حامت عليه الخيل ماشابه

وهذا رد الشيخ سليمان ابن جمهور
من اهل الزبيد توفي حوالي 1361 للهجره
على الشاعر حمود البدر
شاعر الكويت
يقول :-

جنح الدجى جاشا به الفكر حارا=محتار مدري وين تندار الأفكار
عفت الكرى ومجاضعي للعذارا=ياكن يطعن قومة القلب مسمار
قبل البشير محيسنٍ مع نهارا=الربع قسمين بهم بارد وحار
احدٍ يقول ياناس الحكم دارا=لإبن صباح اللي ولى بر وابحار
واحدٍ نذر واحدٍ حلف بالجوارا=ماصار مثله بالجزيره والأقطار
وحدٍ صعد بالمدح راس المنارا=لمباركٍ لولا الحياء ياملا صار
إندر خماله وصار مدحه خسارا=اصبح وظنّه مابلغ عشر معشار
الحمد للي بإيده الأمر صارا=المطّلع عالم خفّيات الأسرار
بخلاف ذا ياراكبين البكارا=عيرات من ذروات حفّات الاوبار
خمس وخمس عيونهن كالشرارا=مافوقهن غير السفايف والاكوار
بسمحات الأيدي نابيات الفقارا=عوص النضى من نسل ذروات عقار
خص الخواصر مانشن بالحوارا=محنونيات ابليل لاقوس لاطار
من جاء لدار خيار مابالديارا=هلا الزبيد اجواد و اكرام واخيار
مادوّر النّمام فيهم نعارا=يخس الخسيس اللي بهم قال بزوار
اولاد نجدٍ بالفخر والممارا=بالطيب وإلا بالردى مالهم كار
ياركب سيرو بالنهار الجهارا=على عيون الناس لوذو بالأكوار
بالحزم عقب العزم سيرو يسارا=خلو حسن بصري يمين عن الدار
ياركب هيلو الحذار الحذارا=عن نوم أو يوم تقيمون خطار
ارخو لهن الخطم ليل ونهارا=حتى تجون حمود بالدار محتار
اقروه مني بالتحيه وقارا=ماجاء ليل وما سطع نور الانوار
وخوذو له الخاطر وقولو مجارا=ماجور يامكسور من غير جبار
من عقب ماقيلك عليك إستدارا=كيف انت مع ربعك على ضفوة النار
ياحمود من قيلك بقيله تجارا=تقدح وتمدح والفعل مابعد صار
جورك ومكرك يابن ناصر قرارا=اخطيت ياعمس البصيره والافكار
هل كيف تبني لك من الكذب دارا=وتشيّد المبنى على درب الاخطار
لاعاد مال الملتجي بك قرارا=لارحم ابو من دق بجوارك جوار
مبنى بنيته صار ساسه هيارا=سوس على شافي شفا جرف وانهار
الكذب به شؤمٍ ولؤمٍ وعارا=بقولة ترانا من صواريم سنجار
عيال الحراير مثل اباها حرارا=وجميع طيرٍ لاليغرك وان طار
هل كيف لأسرار المغيب تجارا=ياحمود ليه أنهاك ياعمس الابصار
لاعاد مالك بالعلوم انتظارا=ولا انت بشيخٍ ياخذ الغلب والثار
تخوض ببحورٍ تلاطم بغارا=بأمر الولي تندار بإقبال وإدبار
يرفع وياضع ويسمع ويارا=ويحكم دواليب بالأقدار تندار
وينصر ويدمر والكسر والجبارا=بإيد الولي قهار دمار الأعمار
بالغيب لك رجمٍ بليا انتمارا=حكمّت ربعك بالحكايا والاشعار
الحكم ماهو بالمنى والنمارا=إيضا ولا بالطهبله توخذ ديار
والكذب مثل الجم وان نزح غارا=والفعل مثل اليم سيار الابحار
ياليت لو مالك لسانك هجارا=ماكان جاك من الشعر كثر ماصار
ياليت ابو جابر من سنامن لوارا=حكمه ولا سيّر لنجدٍ ولا سار
وإيزاه ربع الفا وعريب دارا=واهل البحر والبدو يدون الاعشار
ياحمود سرتو من بلدكم بطارا=وزمتكم انفسكم لحكمٍ وتدبار
وثرتُ وصرتُ بالتماني نمارا=وطابت لكم قطع الفيافي والاقطار
بقوم بها مغصوب واحدٍ بكارا=مابين بحري والحضر واهل الاهوار
قوم به الهيا بن ناصر كبارا=قبل الملاقى تحسب القوم دقار
غرتكم المهله بليل ونهارا=حتى انتهت مده انفاس واعمار
يوم انت بالتنهات ترعى الخضارا=ومربعٍ تقطف زماليق الازهار
الحر خطو النوب يخطي الحبارا=والضان ترثع دام سرحان ماثار
ياحمود وين جنانك اللي تجارا=ظنك بها تغذي شجرها والاثمار
اصبح ماها غايرٍ ثم غارا=قبل المساء غارت وشبت بها النار
تقول مايطري علينا انحدارا=تبون حايل مع قفار لكم دار
خاب الرجاء فيكم وصرتُ أسارا=واحدٍ دفن واحدٍ معشى للأطيار
خدراتها دار الفلك واستدارا=هبن ولام وداركم دور زوار
جاكم بلاكم من هواكم وصارا=نهاركم ليلٍ وضاعن الافكار
بين الصريف وبين هاك الزبارا=حقّت ولا بقّت لكم عين ديار
ان كنت واعي فانتبه لاتوارا=هيهات مالدرهم يشاديه دينار
المدح ماطوّل شبورٍ قصارا=والذم مايدقم طويلين الاشبار
تمدح مبارك ياعشير السكارا=قبل الفعل له رمع زودٍ وتدبار
وحنا لمدحه مانقوله جهارا=إلا لفعلٍ يابن ناصر وتذكار
ماصار مثل الضيغمي بالبكارا=إليا أقفى على عين المعادي بالأدبار
لابد له من دورةٍ وافترارا=مراكب تفتر وعيون واسفار
إليا أرجفت معه السبايا وغارا=يشبه لهاتيك الهواجر وألأنصار
حالو ولا زالو وجالو حذارا=وهدوّ ولا ردوّ لك الله عن الحار
هذا فخر سكان حايل قفارا=ظنك بهم ماكمّلو دشن الاكوار
من فعلهم يدوّر قوي المثارا=خلوّه يرغي عقب ماكان هدار
من عقب مايدعى امير الإمارا=والناس بأمره بالبراري والأبحار
واليوم دخّل بالمناور نصارا=اللي براسه طاح من زود واخطار
هذا الفخر ياحمود هاللي يتمارا=فعل ( الرشيد ) اللي رأيته بالأبصار
لا لاطلو وجهك سواد وسمارا=حيثك خبيث وداري مار مكار
وحاطت بكم خيل عليها نمارا=ضياغم جوكم على قب وامهار
سلّو وولّو في سيوف النصارا=مع صنع ابن باني للأرقاب بتار
قوم على قوم عبيد وحرارا=بكبودهم مرٍ وبقلوبهم نار
قومٍ لأخو نوره بليل ونهارا=ياطون لو ياطا شخانيب الأوعار
قومٍ تفت الكبد هي والمرارا=حريبهم يشرب قراطيع الأمرار
قومٍ لها بقلوب الأعداء ذعارا=تشفي غليله من قبيله الى ثار
قومٍ تراها من طناها سهارا=على الحكم عيّو بالأملح عن الدار
قومٍ لها عزٍ ونصرٍ تبارا=ياعل عزه بالجزيره والأقطار
قومٍ لها يومٍ تبيع العمارا=منول البضر بسيوفهم تشتعل نار
قومٍ ربو بالحرب ماهم تجارا=مالها خختشن المعارك والاكوار
قومٍ بها زومٍ نهار المثارا=إليا اذكر حربهم عند حلو الكرى طار
قومٍ لهم مني سلام ووقارا=جميعهم مابين جهال وصغار
وصلو على سيد قريش وقارا=مالعلع القمري على روس الأشجار

وبعد المعركه يقول العزي وهو عبدالعزيز عيسى الهذيلي راعي البرّه من قبيلة مطير (وله قصه طريفه انه قبل ماتشتبك المعركه قام مبارك الصباح يشاور شيوخ الجيش اللي معه فقال العزي انا طالبك ياشيخ ان صوتي هو التالي قال مبارك وصوتك هو التالي فشاور مبارك خوياه والتفت وقال
هاه يالعزي وش عندك قال ياطويل العمر انتم تعرفون عبدالعزيز ؟ بكم احدٍ شافه؟ قالو حنا جايين نشوفه (الحرب) قال العزي ياطويل العمر انا شفته قطعت مرات والوجه اللي انا شفت هو يجيكم ماهو انتم تجونه يقولون ان مبارك بصق في وجهه على الفال اللي ماهو زين 00
وما هي إلآ لحظات وتصدق فراسة العزي يوم الجنازه هو اللي يغزي عليهم ماهم هم اللي يغزون عليه 00
يقول العزي راعي البّره :-

يامزنةٍ غرّا نشت من مغيبه=ترعد وتبرق ساقها رب الأرباب
ترمي الصخب شرّه على من تصيبه=بأركانها تسمع كما ضرب االأطواب
طمّت وعمّت وإدلهمّت غضيبه=واستثقلت باللي للأرواح جذّاب
تبغي الحريب اللي دنا من حريبه=ابن صباح اللي تعرض للأسباب
دوّر وجمّع من تردى نصيبه=بأهل الكويت وكل من كان خشاب
ومن كل غواصٍ وسيبٍ يجيبه=واللي يحزمون السمك زام حرّاب
وبعريب دار وكل من يرتجيبه=وراع النفاق ومارق الدين ماغاب
وجموعة العجمان واللي حظيبه=مع الدويش ومن ولاه من الأجناب
والمنتفق وابن شريم ونسيبه=وسكانة النقره وسالم وغصّاب
حل المناخ اللي عليهم دعيبه=كل ديرته يحذاه جلاب الأجلاب
يبغي مناصيبٍ تحدر غصيبه=وعنده مناصيبٍ تعلت بالأرداب
واللي دعاه وساعده مايخيبه=يومه (........) وفي مامضى تاب
عنه السبايا والسرايا بغيبه=واللي يروون المراييش غياب
والله ماصدو عن الدار هيبه=مار انهم ياتايه الراي أجناب
عنده نزل حوض المنايا بطييبه=عوق الحريب اللي اذا زير ماهاب
سيّر عليهم بالجموع الصليبه=جيشه مع المسيوق يحداه الآداب
ثار الدخن والعج وإنجال خيبه=والشمس عنهم كنها تقل بحجاب
نوٍ يروّع بالخضيراء حنيبه=خص الجموع اللي عليها السماء زاب
فيه الزلازل والمنايا تجيبه=ومزن الغضب ضرن على كل منصاب
وفيها مخابيصٍ وبرقٍ مصيبه=وحتى الرعد به حس عدلات الإجهاب
ورمى بحمران النواظر حبيبه=ضياغمٍ من فوق طوعات الأرقاب
رمى لهم مثل العساكر خشيبه=بصمعٍ وثلاثٍ وللموت أسباب
إليا حلت البلوى على من بليبه=ينفك للمبلي من الله مية باب
يذكر لنا فرز الوغى شق جيبه=ونذر وحرّم عقب رميه للأسلاب
حظر الجبل ردو لهندٍ عجيبه=هندٍ مفاتيح الفرج عند الأكراب
في ساعةٍ وادع حبيبٍ حبيبه=وردو خطاة العمر مخطاه ماصاب
تخالطوا من كل كفٍ ضريبه=لما غدا مابينهم تقل حنّاب
حريقةٍ مايبرد الماء لهيبه=مثل السعايف عندك الجمع لاعاب
وين القنيب اللي يميز قنيبه=برقٍ ودخانٍ وعجٍ وسكاب
شيّب بها اللي مابعد حل شيبه=وغدا بها شبّان الاولاد شيّاب
يومٍ على الباغين ماينحكيبه =عثا بهم طير السعد غوج الأطلاب
عجرٍ ثلاثٍ به والاخرى عطيبه=ماهاب والموت الحمر له تلهّاب
غريو هلا النقره مع شلة دبيبه=لومك على اللي أدبرو عنك هرّاب
جابوك شمر ياطويل الذويبه=بين السبايا وبين عذبات الأنياب
ياللي تقوده قل حقه غديبه=مع وقعة البرّه ومن كان طلاب
ومن لاعليهم حجةٍ يدّعيبه=ذا موسم اللي حاضره سد من غاب
ياذيب سفوه ناد ذيب القريبه=وإجذب من السلمان والحزل وإنصاب
وإجذب من سباعٍ بالمقاطع مغيبه=وإجذب من السوده للجوف والضاب
وباقي السباع الغايبه وين هي به=إقنب لها ياذيب في كل مرقاب
يلحق بها سبعٍ رديٍ نديبه=وشهب النسور وكل فرّاس بالناب
ولا تفرس إلا كل بيضا سنيبه=إفرس مشاكيلٍ وزلبات وركاب
مثل الهشيم اللي بفيضة شعيبه=هشيم طلحٍ كل الايام عياب
بأرض الصريف اللي وطاها وطيبه=شرق وشمال وقبلةٍ عنه معزاب
الضبعة العرجاء غدت به رطيبه=وكل السباع الضاريه كيفها طاب
ياويل عمّي جرّها من حسيبه=(....) على الرمش شقّن الإياب
شيخٍ يراعي يوم حزّة نشيبه=على جموعه من المغلين ضبضاب
من فوق جال مثل وصف الرقيبه=خيالة الشرفه ومحدٍ معه تاب
زلفاهم الدجّال نقرة نشيبه=نار المسيح وذل يلحق بمطلاب
من فوق حرذونٍ يحز الشطيبه=بفقر الوقارى رادفه عقب ماشاب
في فرصةٍ حدر الدجى مادريبه=قب السلاح وبدّل السيف مشعاب
والغوج خلي مالقى من يجيبه=عند ابن شايم مالقى الغوج ركاب
عاضوه بالحوّى فياضٍ عشيبه=مايشبع الرجال من عشب عشاب
ذكوه في ديرٍ كبير المصيبه=تسعين ليله مقعد الشيخ ماطاب
دار الفلك ياللي هبوبه مجيبه=شيخٍ يريد الحكم ماهو بنهّاب
على النقى يرد النضا مع شبيبه=لابان في قوم المعادين مضراب
كونه صباحٍ مايدوّر عقيبه=من غب كونه ينصب السوق حسّاب
إيضا الدواسر كون وإيضا عتيبه=واللي حضر منهم عن اللي مضى تاب
كون ابو متعب مع صديقك يصيبه=قوم ابن مرشد صابهم مثل ماصاب
جاب الله الديدب وهو ينثني به=عشىّ ولا بقىّ بهم كود نجاب
سرى وبّدل كل عوصا نجيبه=تجوير ربدا دوّلت عقب الأعقاب
وشبّ الفنم للي مشى يقتدي به= طوال ليله قاريٍ تقل مشهاب
وصوّت لمرزوق (........) لعيبه=وتعاقب الترديد شطرين الألعاب
عزّي لكم ياهل الجفايا المريبه=من ليلةٍ يصبح به الجيش رياب
واللي تنصاه النقايض غديبه=قوم الغبيني وابن عرنان وذيا
هذاك مقطوعٍ وهذا مصيبه=متوسطٍ شرّه تواضيت الأعراب
والسبر ماعقب المغيره نبيبه=ذاقو به الفدعان من كثر مالاب
خلي نصي رماح قفرٍ رطيبه=من عقب كون سبيع للصيد ملعاب
سعدونٍ من كونٍ فنيعٍ بقيب=يالله حصل للمنتفق عتق الأرقاب
لاتامن الدنيا ولا تلتهيبه=تقبل وتعطي عند الإقفاي عرقاب
أليا أدبرت قصت محوصٍ قطيبه=وان سانعت أدنى شريطٍ لها جاب
السيل ماينزل مجاري شعيبه=ولا ينزل الوادي إليا صار مجناب
واللي صديقٍ لأخو مريم شفيبه=بدل مقرّه عقب الإشمال إجناب
الحاكم اللي بالمناور صحيبه=ماعاد يطلع بيرقه من ورى الباب
حتى لذيذ النوم مايهتني به=بالليل زاماتٍ ورى بابه أبواب
واللي يبي شر الضياغم بلي به=واردى ركابه بالمشاري والاطلاب
زبن العطيب اللي جذابه هليبه=يوم السبايا عندنا تقل ملعاب
به من ذراها من لواهي صحيبه=وياصل حتى لو على الطاس فلهاب
على العدى سمٍ إليا من إشفي به=والسم ندرٍ ماتداويه الأطباب
وللصاحب أحلى للجسد من حليبه=وأحلى من السكر على كبد شراب
يعنى لفضله بالسنين الجديبه=يرّبع به الممحل سنينٍ بالأجداب
شيخٍ عطاياه المهار العريبه=وجيشٍ وليراتٍ إذا جوه الأجناب
شيخٍ أذا سمع الخطا مارضيبه=يحط للدايج بالأسواق نواب
والخاتمه من عقب ماقال اجيبه=وشهدو عليه اللي بالأقلام كتاب
اخزاك ياعلام ذنبي وعيبه=والعبد يذنب وانت يالرب تواب
وصلو على طه عسى يستجيبه=يشفع لنا بالحشر في يوم الحساب

وهذه امرأه كويتيه في الكويت وصلها خبر الهزيمة من قرينيس
واحد من عبيد الصباح
وأصبحت كل الكويت أحزان فكان كل بيت فيه أحد ميت له .!!
وهذه المرأة فقدت إبنها فرثته تقول :-

قلت آه من علم ٍ لفى به قرنيس = ياليت من هو ميت ما درا به
علم ٍ لفى به مرّس القلب تمريس = والنار عجت في الضمير التهابه
واليوم له عن جفن عيني مراريس = والحنظل المذيوق زاده شرابه
نصيت بيته فلت ياقرنيس= وين الحبيب قال: ماعلمنا به
على الله اللي على ضمر العيس = واليوم ما أدري أي حب لفابه
اخفى مع البيرق الحرب السناعيس=وإن سئل به وإلى المحادير جابه

 

 

 

 

 

 

 

 

 

 

اخوي وحبيبي ابن قشعم اشكرك جزيل الشكر على هالموضوع

الي يستحق التثبيت ليكون الدليل على يد هذه القبيله العريقه

والكبيره برجالها وافخاذها وفرسانها واقسام هذه القبيله
العريقه التي يتفاخر الانسان بان يكون من اي فخذ من هذه القبيله

وحبيت اذكر شي وابي توضيح منك
يقولون عدد الرايات التي كانت مع الشيخ مبارك 31

اتمنى انك تذكرهم لان هني فقط 19 رايه

ويعطيك الف الف الف عافيه على هالمجهود الطيب

 

 

 

 

 

 

 

 

 

 

والله لايسعنى الا ان نشكرك جزيل الشكر على هالمجهود الكبير
يابن قشعم والله يعطيك العافيه ويجزاك خير:

 

 

 

 

 

 

 

 

 

 

الله يعطيك الف عافيه اخوي
يابن قشعم

 

 

 

 

 

 

 

 

 

 

والله لايسعنى الا ان نشكرك جزيل الشكر على هالمجهود الكبير
يابن قشعم والله يعطيك العافيه ويجزاك خير:

 

 

 

 

 

 

 

 

 

 

الله الله الله الله الله الله الله عليك يابن قشعم

ما تدري اني لما اقرا امجاد شمر شيصير فيني

وخصوصا امجاد ابن رشيد الكبيره

تجيني قشعريرة على قولة واحد من الشباب

مشكور يا ابن قشعم ولا هنت يالغالي على هالموضوع الطيب

سعود

 

 

 

 

 

 

 

 

 

 

المشاركة الأصلية كتبت بواسطة نايف الخريصي

اخوي وحبيبي ابن قشعم اشكرك جزيل الشكر على هالموضوع

الي يستحق التثبيت ليكون الدليل على يد هذه القبيله العريقه

والكبيره برجالها وافخاذها وفرسانها واقسام هذه القبيله
العريقه التي يتفاخر الانسان بان يكون من اي فخذ من هذه القبيله

وحبيت اذكر شي وابي توضيح منك
يقولون عدد الرايات التي كانت مع الشيخ مبارك 31

اتمنى انك تذكرهم لان هني فقط 19 رايه

ويعطيك الف الف الف عافيه على هالمجهود الطيب

احبك الله اخي الحبيب نايـــــف الخريصــــي

ويقولون حسب ماسمعنا اربعين بيرق لهن طاري

والله اعلـــم

تحياتـــــــــي

 

 

 

 

 

 

 

 

 

 

المشاركة الأصلية كتبت بواسطة حامد مدلول الجبل

والله لايسعنى الا ان نشكرك جزيل الشكر على هالمجهود الكبير
يابن قشعم والله يعطيك العافيه ويجزاك خير:

ليس لي امام هذا الشكر الجزيل الا ان اقول لك عفواً لاشكر على واجب

الله يجزاك خير اخي العزيز

تحياتـــي

 

 

 

 

 

 

 

 

 

 

المشاركة الأصلية كتبت بواسطة عبدالعزيز الغفيلي

الله يعطيك الف عافيه اخوي
يابن قشعم

الله يعافيك يالغفيلي

لاهنت

تحياتــــــي