قــصّــــة أب &ولــــــــــد

	سامعنلي قصّةٍ فيها العجب والحيره=عن ولد فقري وابوه اغنى رجل بالدوله والولد زوده يكفّي دوم عن تقصيره=ماقطع ب أمه وابوه وكل منهو حوله يتعب ويشقى وخيره مهتنيبه غيره=والعنا والليل مرخي من عليه سدوله ماترجّا غير كلمة كثّر الله خيره=مير من يبخل بمدّه ما وفا في قوله صابر ويرجي عسى بالامر خير وخيره=في وجود أمّه حياته كلّها موصوله اشتكى ل أعيال عمّه يوم وقّف سيره=يوم ضاق وضاق قدمه عرض الارض وطوله يشتكي مير الغطا ما واق داخل بيره=مادرى ان القافله ب أحمولها مدبوله يصرخ القايش ويسكت عند دهنت سيره=مايعيش الحضرمي من دون جرّة فوله كالجهاز مبرمجه ويقلبه ويديره=والعلوم مصلّحه و الكامره محموله والعجوز اعياه جور الشايب وتدبيره=والولد يرئف بحالتها وضايق جوله شيّبت في عمر توّه فاتحٍ نوّيره=بعد ماهي في رعاية جدّها مشموله خيرها يكفي كبار عيالها واصغيره=مايبس بستانها والخير في محصوله مير نهج العود ماتقدر على تغييره=عن قساوة قلب شايبها مهي مسئوله الخطأ واضح ولأحدٍ لاقيٍ تبريره=عجزت الفرّيس تسرج للطراد خيوله احترق قلب الولد واصبح حديث وسيره=زادت امعاناته امع أيّامه المجهوله مسلم ويسعون بعض الناس في تنصيره=والأبو ماهمّه الا رغبته وميوله اكتآب النفس تعّب نفسه وتفكيره=يجمع ويطرح وحبره فاض في كشكوله يطلب الله من بعد تهليله وتكبيره=ياعسى المولى يهدّي نفسه المذهوله اصبح مسيّر وربّه جاد في تخييره=احّفوه بكمبلٍ ماهو بقد رجوله كل قلبٍ ينفعل ويثور من تصغييره=غير قلبٍ ماشكى جور الزمان وهوله والمقيّد مايفكّر غير في تحريره=والنفوس ارزاقها عند الولي مكفوله يقطع الله كل رجلٍ مابجوفه غيره=يترك احقوقه ويرجي كلمةٍ معسوله صارت الاوضاع من دحديره ال دحديره=والدواء موجود لكن منتهي مفعوله هذي القصّه وكلٍّ يمتطي تفسيره=مير لا يبلشني ابتفسيره ومدلوله

 

 

 

 

 

 

 

 

 

 

صح لسانك يا شاعر ،،

قصيدة من الواقع ،، للأسف

 

 

 

 

 

 

 

 

 

 

صح لسانك

اخوي صلاح الاسلمي وقصيده رائعه

 

 

 

 

 

 

 

 

 

 

قصيده فاخره وفيها مدلولات لواقع مرير
صح السانك يالاسلمي

 

 

 

 

 

 

 

 

 

 

صلاح الاسلمي

صح السانك الـــــــــف على هذه القصيده الجزله

وشرح هذه المعاناة دائما انت في الحدث وتخليده

كثر الله من امثالك الاوفياء

لاعدمتك

 

 

 

 

 

 

 

 

 

 

الله لايهينك اخوي صلاح على روعة وجزالة هذه القصيده

 

 

 

 

 

 

 

 

 

 

ابيات قمه

صح لسانك

واعتلى شانك

وبيض الله وجهك

قصه تعور القلب

احترامي

 

 

 

 

 

 

 

 

 

 

المشاركة الأصلية كتبت بواسطة العتبيه

صح لسانك يا شاعر ،،

قصيدة من الواقع ،، للأسف

يااااااااااااااااااامرحباااااااااااااااا
صـــــــــــــــــ الله بدنك ــــــــــــــــح
بارك الله فيك
اشكرك على التواصل
تحياتي

 

 

 

 

 

 

 

 

 

 

المشاركة الأصلية كتبت بواسطة ابو حارث المدعول

صح لسانك

اخوي صلاح الاسلمي وقصيده رائعه

يالله حيووووووووووووووووووه
صـــــــــــــــــ الله بدنك ــــــــــــــــح
كل الشكر لشخصك الكريم
لاهنت

 

 

 

 

 

 

 

 

 

 

المشاركة الأصلية كتبت بواسطة المنقذ

قصيده فاخره وفيها مدلولات لواقع مرير
صح السانك يالاسلمي

هلا يالله حيووووه
اشكرك على الاطراء
صــــــــــــــــ بدنك ــــــــــــــــح
لاهنت