هل مزن القوافي والبيوت سفحن

‏هل مزن القوافي والبيوت سفحن
وابحرالجاش مني لين فاض المحيط

والجوارح بنفحات العبير لفحن
وخافقي يانخيته بالفرايد يشيط

والنوادر بحلوات اللحون لقحن
وانجبن من حلال الشعر مهولقيط

يوم شفت الفرص للمفردات سنحن
ابي احرك جوادي ثم افل الشريط

ابي اسوق القوافي وابي اجراللحن
دام ربي حباني في لسانن سليط

روحن شرد القيفان عقب سرحن
جابهن هاجسن يدلي بعزمن نشيط

الهواجس بجزلات البيوت قدحن
مايجي بين هجسي والفرايدوسيط

يوم قامت حروف الشعرتطحن طحن
وكل اصيلا تقلد بالفرايد غبيط

جت جواد بن غافل يامجاف المحن
فوقها اللي يعسف القاف لوهوشطيط

تو عوب القصايد للجزال رمحن
والهزايل حذفناها ببيرن غويط

ازدحم فيض شعري والمروز طفحن
واينعن البيوت بشي مهو بسيط

القريحه بعذب الشعر تشحن شحن
كوكبن من هوابه هف هفت مقيط

انصح اللي خيوله بالهزيل جمحن
لايحمل خيوله بالكلام الخليط

ياكرمت اشبع الضيفان وامل الصحن
وان ضربت اوجع اللي بالعيامستشيط

كلمات /الشاعرمشعل عسام التريباني الشمري في 20/12/1439هجري

 

 

 

 

 

 

 

 

 

 

رفع للاطلاع

 

 

 

 

 

 

 

 

 

 

صح لسانك مدد على المجاراة الرائعه لاابياتي

وسبق لي ان سجلت اعجابي في المجاراة

دمت ودام حضورك شاعر الحكمة

 

 

 

 

 

 

 

 

 

 

صح بدنكي وصح لسانكي اختي الشمريه على ماتقومين به من متابعه وحضور واطرى بيض الله وجهكي