الملحمه الشمريه للشاعرة الشمريه المجهوله عام / 2002

شـــ م ــــــر ســـــنا التاريـــخ مـــهد الــــــ ع ــــروبـه


اود ان اوضح لكم اني كتبت القصيده في عام 2002/م.
وكنت في اول طريقي الادبي وتعتبر هذه الملحمة ثالث قصيدة لي  
واستندت على معلومات حفظتها في صغري من والدي رحمه الله
ولم استطيع ان اسأل احد او استشيره في ذلك الحين
وارجو السموحه من قبيلي شمر لأن اذا مدحت كل الطيبين والشجعان
دواوين ماتكفي عزوتي لأن كل شمر طيبين وشجعان وكرام
اليكم القصيده عسا ان تنال اعجابكم 

شمر سنا التاريـخ مهـد الـعـروبـه=من اليمن ماضيـن لأارض الحجازيـن
بـصنعاء وعدن تمثال شمـرا انحتوبـه=يشـدى اثـار الحضـر ولا الفراعيـن
وبين القبايـل شمـس ماحـل غروبـه=وعلى الجزيرة تشـع وارض الفراتيـن
وتاريخنا وتاريخنا مبخون ويما اسطروبه=ملاحـم(ن) خضنـاه بكـل الميـاديـن
ومذكورت(ن) بالخيـر ديـار انزلوبـه=مـن حايـل(ن) للجـوف أم البساتيـن
ويمـا نحـو آمـار وهـم احكمـوبـه=ويما محو من الذكر شيـوخ وسلاطيـن
سيوفهـم روس الـدواهـي ابتـروبـه=ولـشاشها لـظـرب الشلافـا نياشيـن
ماحولوا عـن ظهـور خيـل اركبوبـه=ربعـي طنايـا عـن الـزاد طانـيـن
هزو شريفـه ومـن سطرهـم قسوبـه=شمر كما اجبالـ(ن) تفـوق المطاميـن
الشيـن شـان(ن) للمعالـي رقـوبـه=والميم مجد(ن) فـي جميـع المياديـن
والراء رمـز(ن) بالشجاعـه ابرزوبـه=حي لابت(ن) بالطيـب حنـا معروفيـن
عدونـا ســم الأفـاعـي شـروبـه=وحليفنـا مرتـاح بـيـن النعيمـيـن
مـن دور سالـم والمصاقـر يـدوبـه=كرينيص ومجرن عالرواسـي موكريـن
ومطلك اخـو جـوزة دياره مهيوبة=حامي الجبل في نجـد عـن المغيريـن
وصفـوق بالميـدان غلبا انتخوبة=يما ذبح من فـرس وتـرك(ن) كثيريـن
وبنيه قـوي العـزم اعـداه اغدروبـه=خـذوه بالحيـلات وفـن الشياطـيـن
وفـارس كمـا حر ٍ عديم اقنصوبـه=هو قادهم مـن نجـد والربـع ماشيـن
يبغي الجزيرة تصيـح تبكـي مقصوبـة=شامـت لـفـارس والطنايـا ملبـيـن
وفرحان راعي الدين رزن(ن)اسلوبـه=لاقادهـم بالكـون شـمـر حظيظـيـن
والحميدي هيلع بالمعاره احتفوبه= شبل الاوافي من رجال (ن )مهمين
ضرغام سيف العز يما كسروبه=اجموع من جونا على الخيل عجلين
وشيخ الشيوخ اللـي حكـم كـل بوبـة=عجيـل كما سهيل بيـن المحيطيـن
ونهابه تشهد كم راس(ن) وطوبة=لاركبه النوي غداله دخاخين
ونايف مشرع للمسايير بوبة =بيدرالتمن ترتجية المساكين
ومن يذكر الشواف احرار زهدوبة= منهم ابو فاضل راعي المضيفين
احمد ومشعل الملاحم ثنوبة= خلفت الياور بالملاقا عنيدين
ومشعان ساس الطيب والعز ثوبة= شيخ(ن) لنا بغداد وام الربيعين
سيوف العواصي كم عايل نهوبه= وخضابها دم الشفايا الغلامين
ودهام بدد بالمعاره سروبة= وهذال ريف ٍ للضعوف المقيمين
وعبدالكريم الناس يما قصدوبة=ابو العطا وصفه يفوق الكريمين
وعلي الدويش بالكون ربعه اكتفوبة =كم خفرة(ن) خلاه تبكي المحبين
وراعي عنيفة للجزيرة غزوبة= محمد المطلق تهابه المسمين
واحمد يعاف الروح يوم انتخوبة=نعم ٍ بأبو اصفوق عالراس والعين
ومحمد ابن راكان حامي جنوبة = اللي اودعه ع الفرس تمطر نيارين
ومشعل اخو مها شبل احتفوبة= ضرغام بالميدان يرمي الضديدين
وحايل قصر برزان احرار سكنوبة= مصقر نوادر من ظهور الشياهين
اللي حكموا في نجد وساس(ن) بنوبة= ضياغم(ن) بالكون ماهم خفيين
وابن علي بحور الشجاعة رسوبة= امير من أمار قوم(ن) عزيزين
وابن محمود الليث سبع ٍ دروبة= وبكر دلى من الروس خمسا ً وتسعين
وميزر اخو رفعه لـ ربعه جلوبة=فكاك راعي الوانيه والرديين
وكريم سبلا بالعطايا اشهروبة= وذياب امقلط بالصياني البعارين
وفايز ابن هذيل ربعه هقوبة= افدى بحياته شيمة(ن) للبعيدين
وابن عجاج اعداه يوم اشتفوبة= زهد على بنيه بدار الغريبين
وضيدان هيلع للمعالي رقوبه= من صرختة ترمى امهار(ن) مثامين
ولياضكت الطلبات وبانت ذنوبة= لـ طايس يرد الهرج وبالحكم راضين
وشايع الامسح كم جمع كسروبة=وابو الوقا ووتيدسطر ميامين
وهايس عشاه الطيب والعز شروبة=حطم عدوه ماتركله محبين
وعقاب ابو عافت ربعه شهدوبة = وهباس وابن شريم للضد ناحين
وكداش الهثمي بالعطايا اهزبو به = ومفتاح الغيثي والمجلا مهيوبين
وشبرم ابن جبهان ذيب احتموبة= حطم اعدانا وهز جيش الصليبين
وشويش اخو شلوى فعاله حكوبة=ارسل لهم بيص بلياء ذراعين
وضاري اخو صلفه بالموازم مشوبة=بسلمى كما نجم ٍ يفوق الميازين
ومنيس ابن سعدي الشيمه دروبة = وحاكم ذراء الينصاه بالموزمه يبين
وصعب من الحدبان شبل ٍ عدوبة=وغريب الشلاقي تسل العريبين
وسيوف اخليبص كم شجاع انحروبه =راضي وموزي شيمتن بالشرايين
واسأل خميره كم ضابط رموبة= محمد وكريدي والسواعد مثنين
زهيد غالي الروح يما ارخصوبة=شمر اساس الدار من الصلب صافين
دروب الكرامه من قديم(ن)سعوبة=جاه ومراجل وللمعزة عناوين
صولاتهم مجد العصور صنعوبة=ماضي وحاضر بالموازم مبينين
وكم عركت(ن) مبخون لشمـر حروبـه=شمر حمـاة الـدار بالحـرب صلفيـن
وكم ديرت(ن) من ديرت(ن) هم عصوبه=شمـر هـل الـردات ذيـاب المياديـن
تمت وصلوا ع النبي الف نوبة=شفيعنا سيد الصحابة الخشوعين

وســـــلا متكم


بقلم الشمريه المجهوله