يالله ياللي للقبايل ﺩﺑﻴﺮﻱ
ﻳﺎﻣﻔﺮﻕ ﺧﻴﺮﻙ ﻋﻠﻰ ﻛﻞ ﺍﻷﺑﺪﺍﺩ
ﻳﺎﻋﺎﻟﻢ ﻣﺎﺑﺎﻟﺨﻔﺎ ﻭﺍﻟﺴﺮﻳﺮﻱ
ﻳﺎﺭﺍﺯﻕ ﻋﺒﺪﻙ ﻋﻠﻰ ﻏﻴﺮ ﻣﻴﻌﺎﺩ
ﺭﺯﻕٍ ﻳﺠﻲ ﻣﻦ ﺩﻭﻥ ﺭﺑﻚ ﻋﺴﻴﺮﻱ
ﻭﻟﻴﺎ ﻟﻄﻒ ﻟﻄﻔﺔ ﻗﺮﻳﺐ ﻟﻴﺎ ﺭﺍﺩ
ﺭﺍﻛﺐ ﺍﻟﻠﻲ ﻣﺎﺗﻼﻫﺎ ﺍﻟﺼﻐﻴﺮﻱ
ﻓﺞ ﺍﻟﻤﻨﺎﺣﺮ ﻓﺨﺬﻫﺎ ﺗﻘﻞ ﻣﺠﺮﺍﺩ
ﻛﻮﻓﻴﺔ ﺍﻟﺮﻛﺎﺏ ﻛﻮﺭه ﺧﻄﻴﺮﻱ
ﻣﺎﻭﻗﻔﺖ ﺑﻴﺪ ﺍﻟﺠﻨﺎﺑﻴﺰ ﺑﺒﻼﺩ
ﺗﻘﻄﻊ ﺭهاريه ﺍﻟﺨﻼ ﺑﺎﻟﻤﺴﻴﺮﻱ
ﻭﺩﻙ ﻋﻠﻴﻬﺎ طلعة ﺍﻟﺸﻤﺲ ﻣﺪﺍﺩ
ﺣﻂ ﺍﻟﻜﻼﻳﻒ ﻭﺍﻟﺸﺪﺍﺩ ﺍﻟﺰﺑﻴﺮﻱ
ﻳﻢ ﺍﻟﺤﻠﻴﻘﻲ ﺗﺎﺻﻠﺔ ﻋﻘﺐ ﺍﻷﺑﻌﺎﺩ
ﺳﻠﻢ ﻋﻠﻰ ﺍﻟﻠﻲ ﻟﻠﻨﺸﺎﻣﺎ ﻋﺸﻴﺮﻱ
ﻭﻗﻠﺔ ﺻﻔﻴﻨﺎ ﻳﺎﻓﺘﻰ ﺍﻟﺠﻮﺩ ﺳﻴﺎﺩ
ﻋﻔﺖ ﺍﻟﻘﺼﻴﺪ ﻭﺍقعٍ به ﻗﺼﻴﺮﻱ
ﺣﻮﻟﺖ انا عنه ﻭﺗﻌﻠﻮﺍه ﺭﺩﺍﺩ
ﻫﻴﻀﺖ ﻣﻦ ﻗﻠﺒﻲ ﺟﺮﺍﺩ ﻳﻄﻴﺮﻱ
ﻭﺣﺮﻓﺖ ﺃﻧﺎ ﻟﺴﺎﻧﻲ ﻋﻠﻰ ﻛﻞ ﻣﺎﺭﺍﺩ
ﻟﺰﻳﺖ ﻧﻔﺴﻚ لستاد ﺍﻟﺒﺼﻴﺮﻱ
ﻛﻞ ﻣﻦ ﺭﻛﺐ ﺳﺮجه ﻳﻘﻮﻟﻮﻥ ﻗﺼﺎﺩ
ﺭﺍﺡ ﺍﻟﻘﺼﻴﺪ ﻭحسرته ﺑﻲ ﺿﻤﻴﺮﻱ
وجدي على ارباعٍ مثل سوق بغداد
راح الطويل اللي كلامه يصيري
ضفه من السوري على نجد من غاد
لياطب المجلس غداله زميري
قلت اه واوجدي على غش الاضداد
ﺳﻴﻒٍ ﻟﻨﺎ ﻳﺎﻭﻱ ﺳﻴﻒ ﺷﻄﻴﺮﻱ
ﻧﺎﺭﻳﺰ ﺑﺄﺭﻗﺎﺏ ﺍﻟﺼﻨﺎﺩﻳﺪ ﺑﻮﻻﺩ
ﻭﻳﻦ ﺍﻟﻄﻴﻮﺭ ﺍﻟﻠﻲ ﺣﺮﻳﺒﺔ ﺳﻬﻴﺮﻱ
ﺍﻟﻠﻲ ﻟﻬﻢ ﻋﻨﺪ ﺍﻟﻤﻌﺎﺩﻳﻦ ﻣﻄﺮﺍﺩ
ﻭﻳﻦ ﺍﻟﻜﻤﻴﻦ ﻭﻳﻦ ﺗﺎﻟﻲ ﺍﻟﻤﻐﻴﺮﻱ
ﻋﻨﺪك ﺧﺒﺮ وين ﺍﻟﻤﻐﺎﺯﻱ ﻭﺍﻷﻓﻮﺍﺩ
ﻭﻳﻦ ﺍﻟﺸﻴﻮﺥ ﺍﻟﻠﻲ ﺗﻔﻮﺝ ﺍﻟﻌﺒﻴﺮﻱ
ﻭﻳﻦ ﺍﻟﺠﻤﻮﻉ ﺍللي مع ﺍﻟﺤﺰﻡ ﺗﻨﻘﺎﺩ
ﻳﺎﺷﻴﻦ ﻭﻳﻦ ﻣﻔﺮﺷﻴﻦ ﺍﻟﺤﺮﻳﺮﻱ
ﺭﺍﺣﻮﺍ ﺯﺣﺎﺯﻳﺢٍ ﻋﻠﻰ ﺍﻟﻤﻮﺕ وراد
تدله بهم كانك دريعٍ غريري
نقالة الحمل المثقل ليا كاد
وين الشجاع اللي تعيش البعيري
راحت مثل روحت هذولاك الاجواد
راح الدرير وزوعت بالزفيري
اقفت بسلفانٍ بهم عز واسعاد
ﻭﻃﺮﺑﻮا ﺑها ﻳﻮﻡ ﺍلفلك ﻣﺴﺘﺪﻳﺮﻱ
ﻭﺍﻟﻴﻮﻡ ﺷﺎﺧت به ﺣﻮﺍﻭﻳﺞ واكراد
دنياك هذي مثل تالي الحصيري
من قشر بنكهُ مايتجدد ليا باد
ﺣﺘﻰ ﺍلعميشا نوشحت بالدريري
صارت معوشتها على التبن والزاد
قصيدة القرقشي على رداد
العرض العادي
