حي الهديه وحي اللي لنا اهداها
مدة كريمن غمرنا جود مداته
ياراهي الباع انا مدتك مانساها
ياالنادر اللي تبل الكبد فرساته
هديتك ماقدرت احصي مزاياها
يعجز لساني عن التعبير ببياته
جبت الهديه بماتحمل حواياها
كمودين ينعش الخفاق نفحاته
حزت الجمايل من اقصاها اليا ادناها
ياتاج راس الصخا والجود وامراته
سفينة المرجله حضرتك مرساها
وامجاد روس المراجل تعلن سكاته
ياشاطي الطيب والطولات وحماها
شط المراجل وبير الطيب وافراته
ايه انت قمة جبال الطيب ترقاها
والضلع قبلك محد يقدر محاذاته
وقفاتك اللي تعجز لوذكر ناها
ماني بناسي لبو راكان وقفاته
المرجله لو جلست ونلت مرماها
مهي غريبه على مثلك مفاجاته
مدات راع الجماله لاعد مناها
قرمن على الطايله تبرز مهاراته
ومنلا اتعب للجزال وداج بحماها
يموت ماحط بالامجاد بصماته
وانت الرجوله ذلول وجيت تقداها
لين اسلمت لك بقسوتها وسكناته
واقبل بيوت القصيد اللي كتبناها
شكرا عدد ماتسوق الر يح نسماته
والعذر كان القصيده قصربناها
فعلك على الغيريصعب في مساواته
اخوك/مشعل عسام التريباني الشمري في 29/12/1439هجري
حي الهديه وحي اللي لي اهداها
العرض العادي
