ابي اتصبر والجم العوج بالصمت

ابي اتصبر والجم العوج بالصمت
واكحل عيون اهل الحسد بالسكاتي

اخاف يامني زعلت وتكلمت
يفرح ردي العرف في مفرداتي

انا يابو مشعل عن الضايعه شمت
ومرج السوالف تركها من صفاتي

في مدرسة صاف النوايا تعلمت
ان الدوى في تركت الطايشاتي

من شان عينه بالجوارح تحكمت
وسكرت بيبان الغضب بلهواتي

والا ترى كاني من الخصم هوجمت
وثارت براكين الغضب من شفاتي

ابطش اليامني من الغير زوحمت
واضرب بسيفن مثل سيف الزناتي

امنت باللي كون الكون واقسمت
ماترتفع عن راس خصمي عصاتي

خصن اليامني لخصمي تجشمت
تقضي على روس الافاعي هواتي

لكن على عوجى رفيقي تكتمت
يمكن يقدر صدتي والتفاتي

ويقدر العشره ويجلس الياقمت
ويكرب رسن غوجه عن الانفلاتي

والا الكان اني بخيلي تجرهمت
امضي وخيله يرجعن مفلساتي

جيشي يفوز اليامضيت وتقدمت
وخصمي يعود لسيتي واحسناتي


مشعل عسام التريباني الشمري في 16/9/1439هجري

 

 

 

 

 

 

 

 

 

 

صح السانك ابوعبد الرحمن على هذه البيات

إنك تملك قلماً و فكرا وابداعا نادراً ماوجد مثله

كم انا سعيدا انك هنا وبيننا في هذا المنتدى تحياتي لك

 

 

 

 

 

 

 

 

 

 

الله يسعدك اخوي رعد الشمال
شهاده نعتز بها منك الله يحفظك الف شكرلك على المرور والاطرى لاعدمتك

 

 

 

 

 

 

 

 

 

 

صح لسانك مدد بلا عدد

مبدع شاعر الحكمه

 

 

 

 

 

 

 

 

 

 

اختي الشمريه المجهوله
صح بدنكي الله لايهينكي

 

 

 

 

 

 

 

 

 

 

ارتجالية اكثر من رائعة

صح لسانك يابوعبدالرحمن صح لسانك

 

 

 

 

 

 

 

 

 

 

اخوي ابومعاذ
صح بدنك الله لايهينك شكرالك على الاطرى