قد تشرفنا وتشرفت قبيلة شمر في دولة الكويت
بزيارة الامير / بدر الطلال المحمد الطلال الرشيد " حفظه الله "
حفيد الأمير محمد الطلال ( آخر حكام اسرة الرشيد ) رحمه الله .
كانت الزياره في ربيع عام 2005م ، حيث أتى الأمير من منفاه في باريس .
وهناك فيديو للزيارة سأقوم بتنزيلة في وقت لاحق باذن الله .
وهذه بعض الصور للتاريخ !
.
.
.
قال الشاعر / صلاح محمد الأسلمي
أمام الأمير بدر هذه الابيات ،،، سأذكر بعضاً منها :
يامرحبـا يـا ســاس بـيـت الرجـولـه=اقولـهـا بلـسـان شـمّـر هــل الـشـان
( بــدر ) طــلال محـمـد ابــن الحـمـولـه=آل الرشيـد الـلـي لـنـا درع واسـنـان
مـن عقبـكـم عشـنـا بنـفـسٍ جفـولـه=ومن عقبكم نمشي كما مشي عميان
صـرنـا نحـسّـب كــل كلـمـه نـقـولـه=نـخـاف بلـسـة كــل حـاقـد وخـــوّان
ضاقـت بنـا الدنيـا فـضـاه وسهـولـه=صـرنـا بـلاكـم قـصّــةٍ دون عـنــوان
وقصـورنـا هــدّة وضـاعـت نـزولــه=وصاح الجبل من طنيته والحجر لان
وسلمـى تنـادي كـل مـن كـان حولـه=واجــا تـصـدّع والعصـامـي ورمّــان
مـن عقبكـم منهـو يشـيـل الحمـولـه ؟=والحمـل يبغالـه جمـل مثـل شـقـران
ضـيـاغـمٍ والــلــي تــــودّه تـطـولــه=غصبٍ علي العدوان راضي وزعلان
يشهد لكـم عـرض الجزيـره وطولـه=ويشهدلكـم بالسلطنـه قصـر بــرزان
ويشهدلكـم بالحـرب قـرعـة طبـولـه=اذا غـــدا بـالـجـو شـعـلــه ودخّــــان
يجـري علـي العـدوان شــئٍ يهـولـه=واتعـاف غاليهـا بـروغـات الاذهــان
جـيـشٍ يـهـز الارض حـافـر خيـولـه=وقــايــعٍ مــاهــي هـرابـيــد كــذبــان
والـتـرك ويّـــا الانقـلـيـز اشـهـدولـه=فــي كتبـهـم تلـقـون للهرج بـرهــان
مـجـلّــداتٍ مـــــا تــعـــدّد فـصــولــه=تاريـخ يحـكـا فـيـه فــي كــل ديــوان
يالـعـنـبـو قــلــبٍ يـخـفّــي مـيـولــه=لـو كـان مـا عبّـر مشـاعـره بلـسـان
وقال الشاعر / عقيل سعود المنيس الشمري :
هلا عدد ما لبـوا النـاس بالحـرم=واعـداد مـن مـر الحطـيـم وزار
واعداد ما رش المطر وجهة الوطـا=واعـداد مـا هــل الـهـلال ودار
بقـدوم ( بـدر ) ابـن محمـد للابتـه=وقفـت اهلـي والعـلـوم اكـبـار
بابن طلال الضيغمـي ابـن نايـف=ابـن طـلال الـفـارس المـغـوار
ابن رشيد اللي له المجـد والفخـر=مـن دور عبـدالله حمـاة الــدار
تسلسلوا بالمجد والطيـب والفخـر=وزادوا علـى فعـل اليميـن وقـار
بدابها سبـع السبـاع ابـو متعـب=عـبـدالله الاول عـزيـز الـجـار
شيخٍ بنى بالمجد ما يبعـث الفخـر=من راس آجا حتى وصـل سنجـار
صادف قدومك عودت الغيث والحيـا=الحـمـد لله كـثــر الامـطــار
حتى السما هلا و رحـب بطلتطـك=يوميـن والماطـر يـعـم الــدار
والعذر يا شيـخ الطنايـا وراسهـا=عـن كـل زلّـه نعلـن استغـفـار
وهناك قصيدة رائعه للشاعر عبدالرحمن الشمري
وغيره من الشعراء ،، ساضعها إن وجدتها بين أوراقي المتناثره !
محبتي للجميع .. أخوكم / محمد
.