افتقد .الرجل الذي يعني لي الشيْ الكثير لااستطع احصاء مايعني لي
إلا انه بنك المعلومه رجل الأدب والأخلاق لاوالأحترام والتسامح الشاعر الأديب: عواد بن شقاء الخليل
رجل يمتك الكثير والكثير والصفة المتميزة فيه وبشهادة جميع من يعرفه هي في آخر بيت من هذه الأبيات
الله واكبر يابو محمد دفنّاك= وهلنا على قبرك كبير النثايل
ياطول مغيابك وياكبر فرقاك=لافيه لامواصل ولامن رسايل
لا والله إلا غبت عنّا وفقدناك= ماهو غيابٍ للحفر او لحايل
اخترت عن دار الفنا دار مثواك=ورحلت مرحالٍ بليا رحايل
وخيّم علينا الحزن من بعد فرقاك= بالقلب حزن وبالمدامع همايل
ويالله يامدير الهبايب والأفلاك= عبدك على بابك اناخ الرحايل
قليل حال وحيل من غير رجواك=عوّضه عن الدنيا جنانٍ جزايل
ويالله ياللي كل مسلم ترجّاك= نزيل دارك اكرمه بالنزايل
وتقبّله بأحسن قبولٍ لياجاك=وابدلْه عن دنياه خير البدايل
صافي نوايا القلب سجّاد لرضاك=نزيه منطق عن كلام النقايل
سطم فهد الخليل