العوني... يستثير مبارك الصباح لأخذ الثار بعد معركة الصريف

الشاعر المشهور محمد بن عبدالله العوني " ابو عبدالعزيز "
يعتبر من أشهر الشعراء الذين يثيرون الفتن بين الحكام والقبائل
وله قصائد عديدة ومعظمها قصائد وعرضات حربية.
وعندما انتصرت شمر بحرب الصريف كان العوني بالكويت وقد حاول استثارة الشيخ مبارك الصباح ابو جابر لأخذ الثار وغزو حائل ومن ابيات القصيدة سأختار الأهم وهي:

بديت بشكر الله رزاق البرايا = عليم الحال غفار الخطايا
احمده واشكره واثني عليه= بتثبيته لنا ريف الرعايا
بتثبيته سنان الطايلات=صليب الراي ممدوح السجايا
امقزي الضد عن حلو المنام= عن سجّات غضّات الصبايا
ابو جابر الا بان الخصيم= ولحق بالهوايل والعطايا
وحل الموت بعروق (الصريف)=يشيب الطفل زلزال السبايا
حس الصمع تقل رعود صيف=وحوض الموت وردّوه( الطنايا)
وعيّا الله... وله بأمره مراد=وتعالى الله عن قول الزايا
ولا نصره دليل عن رضاه=بكون احد كسر سيد البرايا
ولا عيب الفتى بغلب الحروب=امورٍ بيد غفار الخطايا
تر اعيب الفتى دوس العيوب=وترك الثار من بعد الرزايا
وتطريب الرغا من بعد الهدير=وطلب الصلح من بعد الهوايا

يقول ان انتصار شمر ليس دليل عن رضى الله لأن الرسول انكسر بكون احد وكأنه يشبه مبارك الصباح بالرسول ؟؟ وبعد ان القى القصيدة على الشيخ جابر تكلم عليه جابر
وقال حنا يوم الله فكنا ماحنا متعدين ديارنا ويقال انه طرده ولذلك يقول الشاعر عبدالعزيز العزي راع البرة بعد معركة الصريف وانتصار شمر
وبن صباح وشلته مع صحبتــه = ما عاد يظهر بيرقه من وراء البـاب
حتى لذيذ النوم مــا يهتني بــه = باللــــيل زامــات ورا بابه أبواب
بالتأكيد فان العوني بعد انتصارات شمر تقرب الى اليهم وشاركهم بالكثير من المعارك بلسانه وسنانه وهو شاعر حرب ومعارك من قبل ابن صباح كان مع ابن سعود ثم شمر الى ان توفي بالسجن عام 1342 او 1343 تقريبا وله قصيدة تكشف الكثير من شخصيته قالها في آخر ايامه وهو بسجن دباب بالأحساء
ومنها:
أنا لي هـرجـةٍ مـع طـول حـسّـي

***************** وانـا لي هــرجــةٍ رمــسٍ خـفـيّـه

وانـا لي مـشـيـةٍ فـوق الـرفـاع

***************** وانا لـي مـشـيــةٍ وادي الـثـنــيّـه

وانا ان رافقت عقرب صرت عقرب

**************** وانـا ان رافـقـت حـيّـه صرت حـيّـه

وانا ان رافـقـت طـيّب صرت طـيّب

**************** وانـا ان رافـقـت نـذلٍ صـرت زيّــه

وانا ابذل مالي من دون عرضي

**************** والآزم دون مــن يـلــزم خــويّــه

وانا لي هـرجـةٍ من دون ربـعـي

**************** تـعـيـش بـها الرفـاقـه والبـقــيّـه

وهناك ابيات له جميله من قصيدة طويلة يقول فيها:

يا راعي القبر الذي بايسر القور = غربٍ عن السمرا بريعان حايل
مشطرٍ كنّه عن الناس مجدور = يما عليك من القلوب الغلايل
العفو ياما بك من العز مذخور = لو هي جذت عنك سنين قلايل
عساك بالفردوس ترجح لك الحور = لو كان خليتن ولابك عقايل
خليتني فردٍ مع الناس مثبور = واعرف ترا مالي بحايل مسايل
لاتحسبني يا أشقر الريش مسرور = أو زاد درت بك العوض والبدايل

وله قصيدة اخرى لاتقل جمالا عن السابقات في احد حكام آل رشيد وما قام به العوني لصالحه يقول فيها :
ادركتها بالحزم والعزم والباس=واطفيتها يوم انها كالسعيرة
وجعلت عدوانك يصيرون حراس=براي وتدبير وفتل وبصيرة
العوني بالبيتين يقصد نفسه وما قام به الى ان قال:
ويوم انها قامت من الساس للراس=واصبح سنا نارك بنجد كبيرة
اي بعد ان اصبحت حاكما:
صارت ال ناس ماهقيناه بقياس =وانا لي العثرات صارت بريره
واحسب ذنبي لو يعدل بالاطعاس=يصير عندك خف حبة شعير
وله قصائد كثيرة لايمل من قرائتها وترديدها رحم الله شاعرنا رحمة واسعة وارجو اني قدمت نبذة بسيطة عن شاعر حارب شمر ثم حارب وسكن معهم واصبح منهم

تحياتي