جاك التقاعد

جـو للموظـف قـالـوا الـيو تـختار=جـاك التقاعد بـكره ياصلك الاشعار
كانك تبي تكمل بعــد زود مشوار=راجع امـورك نمهلك حـول شهرين
قـال انا طـالـع مـا ابي هـالوظيفه=مـحـركـاتـي كـــل ابـــوهــا نـظـيــه
بعيش بــاقي العمر عيشه مـريفـه=بقـابل الـحرمـه وشــوف الــبزارين
طــلع تقــاعد وســتلم كـل حقـوقه=وخيـط مـن المـــليون بـاقـي فــتوقه
وعـاش بــطواري كل يوم تسوقه=وفكــار تظهر لـه من يسـار ويـمين
اول قــرار قــال بـفــتح تــجـاره=وفـكـر وقــال ان التـجـاره خــسـاره
وقـرر بعد شهـرين يبني عـماره=وعـجـز يـقــلــبها بـكـل الـمـــوازين
قـابل صـديق من أيـام الـدراســه=هـرجه كـثير وبالـحـكي دار راســه
لـبسـه ثـوب مايــقـده مـــقتـاســه=وصـدق خـويه هالـفـقـير الــمسيكين
قال انت فاضي مـرنا بالــعـدامه=في مـكـتبي لا جـيت تـلـــقى اسـامـه
عندي لك اسـهم تنصفط للنشامه=ورابـحــها ودي تحــوش الــقــريبين
خذا له ثــلاث أيــام ثم راح يـمه=لــقــا اســامــه كــنــه الــوز وامــــه
جالـس على المكتب وكـنه بقـمه=قاعــد يســنن للــزبــاين ســكــاكــين
شراله اسهم وانتشب قــص فيها=كـل ما عرضـها بسوق ما حــد يبيها
نــص الســعر يبيعها مشــتريها=اللــي بثــلاثمــيه بــمــيه وخـمـســين
بـطل من الاسـهم وقـابل اعياله=ودايـم بــعــد العــصير يقــعـد لحــاله
وان طرو الاسهم وجابو مجاله = قال انحش انحش عن جحور الثعابين
بالليل يسهر ويتفرج على الدش=لاجــت جـمـيله قال أهــلا يــابورمش
وان جت الشينه قال لابوش لاهلش=مـاغــير يبحـلق بالبنات المزايين
وان جت الحرمه جابت البن والشاي =سواله صيحه ليش ماجبتي الماي
انتي مقصره في تعاملش وياي =وانـا مـتحمل صـار لي عــدة اسنين
يزعل مع الحرمه بلا ذنب وسباب=قــوم معـارك سبة شماغ وثياب
كنه مراهق يصفق الباب بالباب=يطلع عــن عياله ويرجع بــعد حين
قابل اعبيد وقال له جرب العرس=اصبغ شعرك وبدل الناب والضرس
انشد مجرب ومتمرس على الدرس=كــثير مــثلي بالــزواج متهنين
الــديك مــا يذن وهــذي مـصـيبه= بالشهر مــره الــمره وش تبييبه
روح عـلى الدكـتور ينشد طبيبه=يــمكن يلاقى لــه عــلاج المسنين
كـتب له وصـفـه راح للصيدليه=سلم وقـال وشـفيك تـظـحك عـليه
وش كـتب الدكـتور في هـالبليه=عجل خفوقي صار بين المصارين
قال انت نصرفلك ترى حبوب زرقا=تخلي الشايب يـحـول ويرقــا
مــفـعـولها مايبغي بعـدٍوفـراقـا=اعــظم مــن اللي ينتــجونه بقزوين
هذي الحبوب ترجعك عدت اعوام=تعيشك ويــا مدامك بالاحــلام
وارفق تراهى تفتق الخيط والخام=وتفتح جميع مسددات الشرايين
خذ الحبوب وشب يبقىي عروسه=ركب له اسنان وحشا ضروسه
مــعزم الــرجال جــهــز فــلــوسه=لقا عروسه بس ماتملى العين
اعــرس وطلقها بـعــد ستة اشهور=يسب ويلعن راعي الراي والشور
وعود على الاولى ذليل ومقهور=يقول مافيني نشاطٍ لثنتين
حسبي على اللي ظهر الشيب فيني=خلا من الحسرات تركص سنيني
من الندامه تذرف الدمع عيني=هملت بيتي والمره والبزارين
كله سبايب شوفتي للمحطات=اللي يــجيبون الــبنات الجميلات
لاشفتهن زادن على القلب حسرات=قلبي خضر ومعرض للشياطين
اببتعد واترك اهل القيل والقال=ماتنفع الدنياء بلا زين الاعمال
ماينفعك لا مت عم ولا خال=ولا ينفعك لـــو لبسوك النياشين
ابتفرق للصلات والعباده=بفضل من الله هي تجيب السعاده
اللي تركها عايشٍفي نكاده=لاضقت في دنياك عود على الدين
هني من حبله متينٍمع الله=اللي يـقـوم اللـيل يــقـــرأوصلى
مرطب لسانه بذكرٍ من الله=وجهه منور بة سماة المصلين

 

 

 

 

 

 

 

 

 

 

اهم شي ان محركاته نظيفه

الف شكر لك ايها المبدع والرائع


تحياتي لك

 

 

 

 

 

 

 

 

 

 

بدايه العمل: ابتسامه ، تكوين مستقبل
نهاية العمل: دمعه ، البحث عن الراحه

( التقاعد،، آخر مراحل عطاء البني آدم ) !


دايم انت رائع يا ( ولد زوبـع )
صح لسانك على ابداعك

 

 

 

 

 

 

 

 

 

 

خوي ولد زوبع


اليوم فقط قرأت القصيد ه وليتني ما قريتها

اخوك .. ( القارىء)
حس انه هو المقصود

فانا على وشك ان اصير مت قاعد
مت وانت قاعد

سلمت وحفظنا الله واياك


تحياتي

 

 

 

 

 

 

 

 

 

 

مـت قاعـد = متقاعـد

التقاعد .. نهاية رجل .. مادري شجاع ولاّ جـبان

اول قرار قال بفتح تجاره=وفكر وقال ان التجاره خساره
وقرر بعد شهرين يبني عماره=وعجز يقلبها بكل الموازين

شجاع .. إذا استَطاع تكوين رأس مال يسـنده ، ويوفِّـر له - بعد الـرزّاق - باب آخَر للرِّزق

جـبان .. إذا لَم يفعَـل ذلِك .. أو لم يستطِع فِعلَ ذلِـك !!

لكنـه في نِهـاية الأمـر .. ماتَ قاعِـداً .. لأنه سوفَ يفقِد مكتبَه وينسى زُمـلاءَ العمَـل

[ ولـد زوبـع ]

حرّكْتَ بِنا نشـوَةَ العطَـلْ بعدَ أن جُبِرنا على الملَلْ .. خوفاً مِن الموتِ قاعِداً دونَ شُغلٍ أو عمَـل !!


ما أقصِد التقاعد مِن العمل .. بل مِن النـت !!

شكـراً لنقلِكَ المُفـيد