السلام عليكم ورحمه الله وبركاته
قال الامير محمد العبدالله الرشيد
ياراكب من فوق ست وثماني=بين الحجر ومحقيه دوم يرعن
بنات حر ضربوهن اعماني=وجن الابكار وكلبوهن علي سن
وعصيان اهلهن كلهن خيزراني=وكل الكلايف فوقهن ما يخطرن
تلفوا محمد شوق صافي الثماني=ابن سعود ويفعل الزين له فن
دنياك هذي ماتجي بالتماني=كم خاب من له في رجاها بغي ظن
بسلاحنا المصقول والشيشخاني=وشين مانعرف اجناسهن توهن جن
لابد مامن ساعه بامتحاني=خيولنا تاتيك عرج باهلهن
فرد عليه محمد بن سعود الفيصل
بديت ذكر الله علي كل شاني=ومن وحد الواحد علي الرشد له فن
واخلاف ذا راكبين السماني=اكواعهن لا زاوروهن ما ينوشن
قطم الفخوذ موردات المثاني=بتر الفخوذ اذيالهن مثلهن هن
يازين سوق اعصيهن باليماني=من قصر جدي ياسعد وين يمسن
باسفل شعيب سديرعند الشباني=ان نوخوهن اقترن هن واهلهن
يلفن اخو نوره منجي الحصاني=ولا لفنه جعلهن مايردن
لايحسبني عن لقاه متواني=ناصيه وابغا آتيه لزما بلامن
حتيش يانقاله الشيشخاني=معنا فرنجي للاقارب يشعن
وهذا الجواب اللي ظهر من لساني=والامر لله والسبب نفعله حن
وسلامتكم
اخوكم عواد الخريصي