ايوالله انه يستحق القصيده
النادر اللي يرفع الراس لاهان
هذا مطر يزها البيوت الفريده
راع العلوم الطيبه عالي الشان
ساس العلوم الغانمات وعميده
مدهل مشاكيل النشاما بليهان
قرم كسب حب الرجال المجيده
راع الحجاج الطلق والفعل برهان
راع الدلال المكرمات الجديده
فنجالهن يطرد عمس كل ضرمان
ابو العيال اللي عسا الله يزيده
مضرب مثل للطيب طلقين الايمان
اليانشب ريق الردي في وريده
فزعاتهم يفرح بها كل بلشان
الله يمهل له حياتن سعيده
وعساه مايشكي من الوقت نقصان
يزها المديح ومفردات القصيده
وتزهاه قيفان القصايد والا الحان
مدحه يشرفني . و انا المدح اجيده
واليا مدحت الكفو ماني بندمان
مشعل عسام التريباني الشمري في 5/11/1440هجري
ايوالله انه يستحق القصيده
العرض العادي
