يام الوليد [ اللي عمامه] اواليد
والخال معطي خلفته والعباتي
لاتقطعيني من وصالك / تراديد
جنة حياة [ابو صبا] هن خواتي
انتن بساتيـن الغـلا والعـناقيد
واجمل شريط يمر في ذكرياتي
اعلن غلاكن … مالنا به مناقيد
قبل : "يعزون" الجماعه مماتي
وان كان شفتيني مثل قاسي الحيد
ترا "الرحم" ابرز سمه من صفاتي
شومي لـ خوك اللي معه يجمعك ديد
سترك وامانك من جميع الجهاتي
دامك معي نطحت صدري بواريد
فيك انتخي في شدتي وابرخاتي
ودامي معك خلي حياتك زغاريد
علـى فـرح - وسـرور : ودي هـاتي
محدن خشير لك غلا يا اتلع الجيد
حتى [ عيون اخـوك! ] يعـني بناتي
مايغلبك..! { الا نبـين } لنـا سيـد
ثم و[ الدينـا ] لين تبعـث رفـاتي
شومي لـ اخوك
العرض العادي
