خارطة نادرة توضح حدود حكم قبيلة شمر على الجزيرة العربية .

خارطة نادرة موجودة في المكتب العلمي في دولة الكويت .
توضح حدود حكم قبيلة شمر على نجد وشبة الجزيرة العربية
إبان حكم أمير العرب وملك نجد :
محمد العبدالله العلي الرشيد * المهّاد *
رحمة الله .
.
.
.
.
.
.

.
.
.
.
قال الشيخ راكان بن فلاح بن حثلين شيخ عموم قبيلة العجمان من قبائل بني يام
يخاطب الأمير / محمد بن عبدالله الرشيد ( المهاد )
ويصف لنا حدود حكمة :

من باب برزان اليا باب نجـــــران=ماهي لنا يالضيغمي إنت أميرة

قال ايضاً الشاعر الكبير محمد بن هويدي الصقري العنزي
يصف حدود حكم دولة الامير ( المهاد ) :

حكم من الشنبل إليا حد ،، نجران=وجميع مادون الفرات محكومي
واللي يبي يركز من الغرس بستان=يركز وياخذ من ( محمد ) ختومي

وقال الشاعر الشريف جعفر الحسيني الهاشمي هذه الابيات من قصيدة طويلة
باللغه العربية الفصحى يمتدح / محمد بن عبدالله الرشيد
ويصف حدود حكمة :

((لك الجزيرة من صنعاء إلى هجر ))=((إلى العراق إلى مصر إلى حلـب ))
أدبت أعرابهـا مـن بعـد بغيهـــــــم=والعرب لم تثنهم إلا عصى الأدب

وقال شاعر عتيبة مخلد القثامي العتيبي يصف لنا حكم قبيلة شمر على نجد
إبان حكم الأمير / محمد العبدالله الرشيد :

يالايمي صادوك صبيـان شمـر=وجونا بعلمـك سابقيـن النكيف
(اللي خذوا نجـــــد بالسيف الأبتر)=وما طرت البصره ،، لحد القطيف

وقال الشاعر الكبير عبدالله بن سبيل
يصف لنا حكم الأمير محمد بن عبدالله الرشيد :

((محمد)) سلطان العرب موهـب الذهـب=هو خيـر مـن يحكم جميــــع القبايـل
شجـاع تـؤرخ بالأماكـن فعايـلـه=كمـا ورخـوا للسلـف الأول فعايـل
وهو خاتـم الشيخـان لا شيـخ بعـده=إشـارة سميّــه نـزِِلـت بالرسـايـل

وقال الشاعر الكبير جارالله ابو جري يوضح لنا حدود حكم دولة شمّر :

مزنٍ نشا عقب الضحا من هضابه=دهاش مرهاش سهج كل حلَه
مزنٍ على مزنٍ تقافا سحابــــــه=وأنا اذكر الله ضافي نجد كلَه
أسقي من الوفره(1) لضلع اللهابــه(2)=وسنًد لينبع(3) واصبحت مستطله
وديّم على خذما(4) وصب انسكابه = وقد سالت الوديان من غشنةٍ له
واصبح على ميقوع(5) عزل ربابه=وتواقعت منه الطيور المجلـــــه

الى ان قال :

من ديرة الخرمه(6) اليا ضلع طابه(7)=شروا المحوص الواردة جرة لـــــه

الى ان قال :

جاء للطبيق(8) اودع عليهم ضبابه=بوديان بيشه(9) ماجرت غارة لــــه
فجحان ابن ناصر ظهر من ثيابه=فصخ يوم انه... شلوطه ثم ملــــه
راحت مظاهيره وطرشه نهابه=عداه سلطان العرب عشقة لــــــــه
وعلى بطي من فرز الابطال عابه=طير السعد حطه تحت مخلب له
للحول ما والله يبري صوابه=جاه العقاب الصيرمي ثم شلـــــــه
فهدٍ زراج الليث ماينهقابه.=حرٍ...طيور الشرق تخضع لظلـــــله
افطر وصام وثم نزل كتابه.=.وافطر ودنـّـا كل وجنــا ســـــــجلّه
عقب الصخور استزهبوا وانتوابه=.وخلا الثقيل وفاض نجدٍ بســله
بشهبٍ لك الله كنهن الذيابه.=.ياما فجن من غرةٍ مــســفـهلـــــه
شيخٍ خذاه العزم لـديار يابه(10) =تقللت...تتبع..ذراها وظلــــــــه

1-الوفره .. الكويت
2-اللهابه ... في الصمان
3-ينبع ....المنطقه الغربيه....البحر الاحمر
4-خذما ..... قرب الجوف
5-ميقوع ... قرب الجوف ايضا
6-ديرة الخرمه.....بين الطايف وبيشه
7- طابه ... بين حائل والقصيم
8-الطبيق ... على الحدود الاردنية
9- بيشه ... بيشه المشهوره قرب خميس مشيط
10- ديار يابه.........العراق

وقال الشيخ قاسم بن محمد آل ثاني ( مؤسس دولة قطر )
هذه الأبيات
من قصيدة طويلة ،،
يخاطب الأمير / محمد العبدالله الرشيد :

منصـاك ســـلطان الجزيــرة ((محمـــد))=فرز الوغى مقعد صغـى كـل عايـل
ملكهـا ،، وعـزّت ،، واستقـرت ،، وسادهـا=بالماطلـي والسـيـف لا بالرسـايـل

.
.
.

تقديري للجميع .
أخوكم / محمد السنجاري