البارحـه واليـوم .. ماجـاني النـوم
طـاري عليّ مـن الطـواري طواري
ان نمت صحاني من النوم جاثوم
جاثوم شعرن يجعل الفكر ساري
يشره عليّ ويعاتب النفس ويلوم
ويقول ابيـك تزيـد فيـني وقـاري
قلت شتبي مني انا شايش اليوم
قال امـدح اللي فيه كلن يماري
امدح ذهب لاتمدح ستيل وكروم
في مدح الاصـلي مالنا بالتجاري
صـورت له تصوير الأفكار بالزووم
ابمدحه مثل الجمل بالصحاري
المدح يزهى من عن الذم معصوم
بـيّـن مثل وضع العلم بالسواري
صميدعن ساطي وحش حر زيزوم
عنـده على الشدات عازل حراري
و معطيه وهاب البشر قوة عزوم
يقلط على الدرب الخطر مايواري
اشلع بجنحان الفخر وابعد الحوم
يالاسلمـي فـي ليـل … ولا نهـاري
من حظ الاسلم ماتقـدم به رخوم
مقدم هلّ لحيسه على عز ضاري
شيخن لنا ياصـار به فركة خشوم
باطراف بشته للصعايب مذاري
من دون الاسلم يثني الرجل ويقوم
قومت بطل ويزيـد فيه افتخاري
له قدر عند اخوان نوره ومحشوم
ولـه منصبن عند القيـاده وزاري
جاه ووجاه ومايبي صار محسوم
وغيـره على بشـته تهب الذواري
ياراس ضاري عانق النجم وغيوم
شيختك ماهي من كثير المصاري
من جدك نعيس البطل خط مرسوم
ماجت لكم مـن مال بايـع وشاري
ورث الاكابـر والاكابـر على القوم
مثل الحرار اليا لقت له حباري
رمحن مسقّى به طعم ذل مسموم
على العدا بسيوفهم والشباري
فريس نجد قبالها صارت زلوم
خلـو حـلايـلهـم تهـلّ العباري
تلقى الغنايم والجنايز بعد كوم
بجموع الاسلم ماتهاب الضواري
اللابة اللي في سماء عزها نجوم
مجدن ابي والكل بالمجد داري
اقسمت بـك يامنزلن سورة الروم
يامن نصر جنده في ذات الصواري
مدحن ماهو لمثله هرابيد وعلوم
ومـا كل شيخن ياصل فعول ضاري
✍🏼 عبدالله الفهد
.gif){kind=icon}
قصيدة مهداة الى الشيخ ضاري بن محمد بن طوالة شيخ شمل الاسلم اطال الله في عمره
رد: قصيدة مهداة الى الشيخ ضاري بن محمد بن طوالة شيخ شمل الاسلم اطال الله في عمره
العرض العادي
