اكتب ولا تشكي ورفه عن الحال = مالوم قلبك ياتلوع من الويل اشبا ه الرجاجيل
شكال واشكال واشكال = والله جعلها للخلايق غرابيل
تعطي وعطاها للمحبين بهبال = وليا عطت تظحك قلوب المهابيل
وتشفي ولا شك بيدها قيد واغلال = وتبكي على مرضانها باالهماليل
وتبني وبناها كل مافيه اطلال = اللي نشوفه زال زاللي يبي يزيل
وتذري وذراها غيمة الصيف وظلال = ماتامن لظله ولا ترجي السيل
مسلوبة الايمان عبادة المال =وياما بضحاها اشرقت نجمة الليل
ان اعجبك تسكن بها شم الجبال = بالك تغرك باالعيون المضاليل
ومن ما تعود بالصبا حمل الاثقال = عليه يصعب حملها باالمقابيل
اما تعيش بداخل النفس رجال = ولا ترى واجد اشبا ه الرجاجيل
[/poem]