تقهويت القصايد وابشري منها قدعت بحور** وقولي للصبايـا كاتـبٍ شعـره علـى شانـي
انا راعي النوايا البيض ماخنتك وانا مجبور **ورب الكون ماخونـك اليـن انشـال باكفانـي
تخيل كيف طفلٍ ماتت امه خاطره مكسور** هذاك الحـال بعـدك لعنبـو غيـرك وتنسانـي
دخيل الحب الاول والدلع والطيش يامغرور **تعال وغرد بصوتـك ابيـك تغيـض عدوانـي
سقا الله بيتك اللي عقب مارحتي غدى مهجور** على سوره كتبت اسمي وتوقيعـي وعنوانـي
حضنتك عن صريم البرد دللتك مثل عصفور **واشوف اليوم ماعادت تروق لشخصك احظاني
صحيح اللي سمعته اودعاية حاسدٍ مقهـور** يقولـون الليالـي ظمتـك مـع عاشـقٍ ثانـي
اذا معجبك غيري رح ترى من خاطري معذور** ابعطيك الوعد اسمك حرام انا جا على لساني
مدام اني خسرتك مااخسر الجنه وبنت الحور** عزاي ان الكريم يعـوض المظلـوم باحسانـي
ثمان سنين راحت وانت تحسبها ثمان شهور** دقايقها خناجر والثوانـي كنهـا دوي بركانـي
الا وش فايدة حبٍ غدى بين العرب مشهور** بكى عنتر وقيس مغربلـه مدعـوج الاعيانـي
حلمت البارحه انك على رمش العيون تدور** صحيت اسال عيوني قالت المضنـون ماجانـي
رجعت احلم عساك بحلمي الليله تجي مسحور **اقيدك بغلاي اللي عطيته ياوليفي من تحدانـي
بنيت القصر في جوفي وطوقته بعالي سور **وش الصين وهذاك السور اعظم حيـل بنيانـي
سالتك باللذي نزل تبارك والمسد والطور **من اللي غرك وخـلاك يااجمـل حـب تنسانـي
حبيبك لاذليل ولا بخيل و بالرجوله مالحقه قصور** ابوي الله يعزه عن طمان الراس وصاني
ابنهي قصةٍ طالت ابيها تنكشف للنور** تعبت مـن السكـوت وملـت العالـم مـن احزانـي
؛؛< وسلاااااااامتكم >؛؛
..:: اتمنى ان تحــوٍٍز على رضاكم وتقبــولوٍٍ تحياتي::..
العرض العادي
