واقع الأمس واليوم

أضحك وناسه وإخفي احزان وهموم
واطـرد سـراب الوقـت بالليـل الاظـلـم
&
وازرع ثرى الاوجاع جوري ويشمـوم
وابنـي صـروح الخيـر والغـيـر يهـدم
&
واسري بقـاعٍ شالـت الفـرس والـروم
واكتـب عـلـى التـاريـخ ذكراه وانـظـم
&
قــافٍ تعـلّـى وإعتـلى عـالـي الحوم
يكشف هـروج الزيـف والفكـر يرسـم
&
صـورة حكايـة واقـع الأمـس والـيـوم
مقـطـع مــن الـواقـع إذا كـنت تـعـلـم
&
قصـايـدٍ يـغـرق بـهــا جـاهــل الـعـوم
يحتار بالشاطي وانـا اغـوص للجـم
&
كـانـه عـلـى المـوجـه وماحولـهـادوم
بــنــات فــكـــري ورِّدن قـاعــة الــيـــم
&
مـاكــل مـــن رام المـشـاريـف زيــزوم
ولاكـل مـن عـدّا علـى الحـيـد يسـلـم
&
ومـاكـل مــن طـالـت ليالـيـه مـرحوم
ولاكـل مـن يشـرب مـن السـم ينسـم
&
ماكل من يـذرف مـن الدمـع مهمـوم
وماكل مـن يضحـك بعيـدٍ عـن الهـم
&
كـان المراجل تشترى تقـبـل الـسـوم
لا آكـون انا اول من شراهـا وسـاوم
&
واصبـح ردي النـاس قـرمٍ وشغـمـوم
وامسى عقـيـد القـوم يبـكي ويلـطـم
&
وتبقى الصراحة بيننـا غيـر مفهـوم
والـجـو غـايـم والـسـماء دوم معـتـم
&
هذا الزمن في حكمـة الـرب محكـوم
والـعـدل لــه يـــومٍ يـجــي له يـتـمَّـم
&
ماقـدّر الوالي على العـبـد محـتـوم
ومـــــاراد رب الـــكـون لازم مـحــتَّــم

جريح الغربة الشمري

 

 

 

 

 

 

 

 

 

 

صح لسانك ملايين شاعرنا المبدع

ابو معاذ

قصيدة قمة في الابدااااع

 

 

 

 

 

 

 

 

 

 

كفووو وصح لساااااانك

 

 

 

 

 

 

 

 

 

 

المشاركة الأصلية كتبت بواسطة الشمريه المجهوله

صح لسانك ملايين شاعرنا المبدع

ابو معاذ

قصيدة قمة في الابدااااع

صح بدنك أيتها الأميرة صح بدنك

 

 

 

 

 

 

 

 

 

 

المشاركة الأصلية كتبت بواسطة بدر الخمسان

كفووو وصح لساااااانك

كفوك الطيب وصح بدنك
شرفت متصفحي كحيلان