على شط الامل نمشي ولاندري عن المستور= تمر ايامنا عجلة ولانفكر بتاليها
نهيم ونطلب الصعبة ولوكان الثمن معذور= تطوٌق فكرنا الامال مانقدر نخليها
تلقى بعضنا ضايق وتلقى بعضنا مسرور = وتلقى البعض مايحسب للأيام ولياليها
احدٍ عايش يبذخ واحدن عايش محسور = واحدٍ حالته صعبه ولايقدر يخفيها
واحد يغالي ببنته ويطلب غاليات مهور = كنه بايعٍ سلعه لأكثر من دفع فيها
واحدٍ يطالع بعينه وهو في داخله مقهور = يشوف الناس تكفر نعمة المولى وترميها
كان الضيف لامن حل يشاركهم على الميسور = ويطلع يشكر اهل البيت قاصيها ودانيها
ايا ليت الزمن يرجع بإحساسه وكل شعور = ويرجع ناسن تصون النعم تشكر لمعطيها
هموم بداخلي تشبه بواخر تايهه في بحور = لاهي حصلت مرسى ولاوصلت موانيها
( احمد بن ناصر المحرج )
... ( حال بعض الناس ) ... (119)
العرض العادي
