شمر اليا عد الكرم اكرام=تاريخهم يغني عن الكلام
سورالجبل عز الجبل هيبة الجبل=شمر عزيزين النفوس حشام
شمر هل الطولات كسابة الفخر=كساية العيدان ريش نعام
من ضمن قول للشريف محمد=اللي يعد الحق للاخصام
شمر مقر الجود من دور حاتم=رمز الكرم على الصدور وسام
وكل القبايل وقفة دون حقها=النور بين والظلام ظلام
سلامٍ احلا من حليب العطايف=لجميع شمر نهدي السلام
يالابتي كلٍ يقدر مكانته=الراس راس والسنام سنام
الاسم له حق على حامل الاسم=ابوك مات وورثك مقام
لاتهدم الصرح القديم العالي=حافظ على برجك من الهدام
اليوم ياسهل المراجل على الفتى=ماهي مثل وقت الفشق وحسام
الدين ساس المرجلة والمكسب=الدين يعطي هيبة المقدام
يازين جمعتهن برجلٍ واحد=مع خف نفس ونظرة الضرغام
ياشيوخ شمر وش سبايب غيابكم=غبتوا مع اللي غاب نفس العام
وانتم لكم تاريخ وامجاد سالفة=ومكانكم محفوظ بالاختام
رواتب وشرهات والخير وافر=ومناصبٍ مع خيرة الحكام
شمر تبي منكم فعولٍ تسرها=عاشت المجد القديم اعوام
وحائل لها حقٍ على كل شمري=هي ملهمة شمر على الدوام
ياشمر الحجلان هم راس مالنا=تاريخهم يغني عن الكلام
ابن الضياغم........................=