تذكرتك
تذكرتك وشبت نيرانك بالگلب
ونيران الگلب صارن يحاچني
تذكرت سوالف گلناها بالطفولة
وسوالف طفولتنة گامن يناغني
وصحت ذكريات كل ذاك الامل
وصحى الشوگ ونيرانة چوني
صحى بگلبي حنين الذيچ العيون
وذكريات الكلمة ينعادن ويبچني
تاريني چنت موهوم بوهم نسيان
وك وسالف النسيان بحبك توهني
**
أگدرت أصبر روحي على فراگك
وأنت تدري بفراگك شگد يعذبني
ونسيت كل حلم رسمتهَ وياك للأيام
وحاولت قتل الفرحة بداخلي والتمني
ومن حچت بيك گدامي هاي الناس
بكلمتين شالوا كل ذاك الصبر مني
وك بالگوة چنت مصبر أني الروح
ولگيت الصبر أوهام چانن يسلني
وتاليهة ***
تذكرتك وشبت نيرانك بالگلب
والله نيران الگلب صارن يحاچني
بقلمي
نور ضياء الهاشمي السامرائي
تذكرتك/باللهجة العراقية
العرض العادي
