أقل ماأقدمه لقبيلتي شمر الغلبا
شمر مهي كلمـة مسلسـل وإخـراج=شمـر صـوارم كــون شـمـر طنـايـا
شمـر مهـي بالدبلجـه بعـد الإنـتـاج=شـمـر سـمـا وإنـتـا تحتـهـا دنـايــا
شمـر تعـدل الميـل لامــال وإنـعـاج=شـمـر هــلا الـطـولات للـعـز رايـــا
غلبـا طنـايـا للـزمـن بــرق وهَــاج=عــوق الـعـدو لامــن نـوابـه ردايــا
شمر محيط ٍ تصطفق فيـه الأمـواج=يامـا بهـا راحـت نفـوس وضحـايـا
شمر ترى ريف الخوي لامن احتاج=فينـا الوفـا مغـروس خلـف الحنايـا
شمر ستـار الجـار لـه عـز وسيـاج=يلقـى المعـزه مــع حسـيـن النـوايـا
الياحصل في جارنـا عـوق وخـلاج=نـارد علـى شانـه حـيـاض المنـايـا
فينا الجنـازه للوغـى سيـف ٍ وتـاج=سـطـر لـنـا بالفـعـل مـاهـي حكـايـا
فيـنـا فــوارس مثلـهـم مـابـعـد داج=يـاقـف لـهـم تـاريـخ قــدر وتـحـايـا
فينا على اللي يعترض طب وعلاج=فـيـنـا الـطـنـا لـلـعـز درب المـنـايـا
فينا الكرم سلم ولنا فيه منهاج=كابر بأثر كابر ولاهي حذايا
الضيف لامن طب في دارنا داج=يلقى بكنف ( غلبا ) كبار الصنايا
دربـك علـى تاريخـنـا درب منـعـاج=ماينفـعـك بـعـديـن قـولــت خـطـايـا
.
.
أخوكم ممدوح بن زايد بن سعد القدهي الغريري