بسم الله الرحمن الرحيم
باسم الله.. ثم باسم شمر..
أذود عنهم.. حتى أسكن تحت النصايب..
وهذا ردي باسم شمر على المصفوق بدر صفوق الذي تجرأ على آل رشيد وجعلهم مناصيب
مع أن آل سعود أيدهم الله يعرفون أنهم حكام .. وأنهم حكموا..
وأنهم من شيوخ شمرو وليس مجرد مناصيب كما قال هذا الإمعة
ويعرفون قدرهم ويجلونهم..
يامل قلبٍ فيه طعنات وحروق=وهمٍ وغمٍ قام يطبخ زيادة
أسبابها خبل يهذري تقل بوق=في شاطي الراحة عساه الابادة
خبلٍ على الطيحات ماهو بمسبوق=يحسب (تناقيد) القصايد قلادة
من عقب ماهو في (بصيّة) تقل لوق=اصبح (يقاقي) (بالجبل) وارتياده
يابدر يابن صفوق لاتصير مطفوق=ترى توطاك العرب يا جرادة!
وش عرفه في نجد ؟ والنجم؟ وبروق؟=ووش عرفك باللي حكمها و قاده؟
هذاك أخو نورة مهو منزله فوق..=في فوق فوق الفوق .. تاج السيادة!
خلّك من الضلعين.. بديار معتوق=لو تجتري.. تبقى دهر في نكادة
أبنصحك خذها نصيحة يابو خثـ....=نفسيتك تلقى دوا بالعيادة!
دامك تعاني من صراعات وفتوق=راجعهم وتلقى علاج وركادة
لو أجلبك بالسوق.. مايربح السوق=مالك ثمن بالسوق ولاّ مزاده
وأربض (يابو هزّه) ترى تارد العوق=طبلٍ يطبّل بالجهل والقرادة
لو هو زمنهم ما سمعنا لك نطوق=والحين أصبح للحباري هداده!
وهذا الزمن دايم له غروب وشروق=والآن في حكم السعود بسعادة..
ساير الرماحي..