الحقيقة يخون الحرف تعبيره=كيف ابكتب وانا دمعي على خدي
يوم حل الظلام ومرت السيره=ياصدى الحزن لاجده ولاجدي
افتقدنا كرم بره وتوقيره=لكن الخير بأذن الله ممتدي
كل فرقى تصيب القلب في حيره=حزة الضيق كن المعركة ضدي
كل طرقي مصيره ياصل الديره=اه ماقصر سنين العمر لاعدي
اتلفت يميني اذكر الجيره=اتجه لليسار وينفضح سدي
انه الوقت مشتده معاصيره=كنه يقول لك طرقي ومتعدي
كل نفس تحث الرجل في سيره=لبة لصوت من نادى لها ردي
المسافر يزفنه مشاويره=يم بيت الحصاد ومكمن الجدي
هيه ياللي يدق الطيش في زيره=انتبه لاتقول انا ومن قدي
المنايا يزورنك مداويره=كل نفس وضع لنهايته حدي
المصايب تحدثنا تقاريره=ان من راح في مرماه ماردي
العطايب بلاها من مناشيره=غصب ماهي بلاوده ولا ودي
ادري الوقت تذهبنا طوابيره=وان صرح العمر له يوم ينهدي
يالله ارحم ضعيف بان تقصيره=الخطايا زبدها للجسم هدي
كل مذنب طمع في عفوه وخيره=واحدآ لاشريك له ولا ندي
ابن الضياغم...................=