اكتملت بمجهود الشعراء قصيدة جميله من عشرين بيت ابدع الشعراء الافاضل في سطورها وبوحها الباذخ الجميل واطرحها للنقد والمناقشه واظهار الجماليات في الابيات لحين كتابة موضوع اخر للنظم تحياتي للجميع وجزيل شكري واعجابي ////
الجوهرة الشمرية
ارحم عزيز القوم ليجاك ناخيك = قم له وقابل نصوته بالتراحيب
لا تساله عن حاجته ليش ناصيك = قدر ظروفا حدته واجزل الطيب
عبدلله المفضلي
جالك على كل الجماعه مبدّيك = ايّاك تشمت به ولو رأيك مصيب
برهن على طيبك بفعلك بأياديك = لا فرق بين الناس لولا المواجيب
علي الوهبي
خلك على هقواة منهو هقا فيـك
والحر ماتلحق عليـه العذاريـب
يامزبن العاني اذا جاك ناخيـك
والمرجله تحظر مع الناس وتغيب
الشمريه المجهوله
الشيمه تحضر بالموازم وتاتيك = وماكل لحيه هي تطول المواجيب
من الطنا نمشي دروب المهاليك = لـ عيون خفرات العذارى الرعابيب
متعب بن طواله
مداتنا تروي كبود المداريك = وهداتنا هدات عكف المخاليب
الحر مانازل على الكاسر الديك = وحدب الهنادي مهي مثل المصاليب
عايد عيسى
عشنا وشيبنا بشبك وشرابيك == ويش الوسيله يا طوال الاشانيب
الناس قالوا من يعافيك يقنيك == وبعض العرب بلشان في مصرف الجيب
متعب بن طوالة
ماني من اهل البورصه واسرد الشيك= من اهل اللحيسه ياعريب المناجيب
كسابة الناموس ياحضرة البيك= قني الجمس هو والبقر عندنا عيب
الجوهرة الشمريه
من يعتزي بك يعرفك زين يلفيك = المرجلة لك والعوج للرعابيب
لالا تذكربالرخى ويش معطيك = الطيب لاهل الطيب والاش للهيب
نواف الجربا
خلك على الطيبات والناس تاتيك = جنب جنابك من دروب العذاريب
الصيت كنز ومنبع الكنز يغنيك = اكسب من الطيبات وابعد عن الريب
علي الوهبي
للمرجله والعز باب وشبابيك= ولا كل واحد يدخله دايم يجيب
ولا تحسب ان المجد عندك يناديك=لاصار ماتفعل فعول المحاديب
عايد عيسى
نرجع لشطر عبيد حيك على حيك == له هدتن(ن) يشبع بها النسر والذيب
يا دار انا ماني من البعد ناسيك == من قبل لا يكتب على صفحة الويب
رد: موضوع لجميع الشعراء ( قصيدة مشتركه عدة ابيات من قلب واحد )
العرض العادي
