يا زينها لاصرت انسان حساس = القلب هش ودمع عينك قريبي
عندك طموح ولاقرب نفسك الياس = نفسك تحاسبها بليا رقيبي
دمعك يهل اليا غدى الوجه مساس = للأرض في سجده لحيٍ مجيبي
اطلبه وحده واترك الخلق والناس = سؤال من امسى كسيرٍ صويبي
ولو صابتك دنياك فقرٍ وإفلاس = ماغير رب الكون لحالك طبيبي
والناس في هاالكون اشكال واجناس = كم واحدٍ شكله ونوعه غريبي
احدٍ كسب باالفعل طيبٍ ونوماس = في كل ما ينطق ويفعل مصيبي
ومن هو فقد غالي على العين والراس = الموت ما خلاه لوهو حبيبي
معذور لو يبكيه ماهب نسناس = مسكين من فقده كسيرٍ عطيبي
ولغيرها احفظ محاجرك يباس = غير المقٌدر ماتحصل نصيبي
تضحك لك ايامٍ وايام لاباس = وإن كشرت سعدك وحظك يغيبي
ذي سنه الله محصيٍ كل الأنفاس = يعرفه من عقله رزينٍ لبيي
( احمد بن ناصر المحرج)