هنا ناقف / بقلمي
قصيدة مدح بالشاعر/ محمد بن عبدالله الشويب السليمي
ارسيت المعاني والقوافي على المعتاد=ولكنها من ذهب المدح مطليه
وسيف القصايد لامعٍ فوقها بغماد=رسمته على الموضوع رمز الاهميه
على شان رجلٍ له مع الطيبه ميعاد=رفيع المقام وفيه الاخلاق ماريه
زبون الشجاعه لاانتخى خوف الاضداد=حميد السجايا والخلج صافي النيه
عميد القوافي يعني الشاعر القصاد=يسريك بالمعنى مع خط ابو حدريه
زبون الكرم والجود لاعدوا الاجواد=ينومسك لاجيته تلقى ناره الحيه
هنا ناقف انا وانت ياللي عنه نشاد=نبي نذكر اسمه دام الاخبار رسميه
ابو زايد محمد راع الطيب والامجاد=ياحي النبا والطيب وياحي راعيه
الا ياالله انك تحفظه ماتجيه انكاد=بماتحفظ عبادك عن الشر والسيه
وانا ابشكر المعنى اللي لاقلت وقف زاد=يقول القوافي ذي ماهي بعاديه
دام ان الممدوح ابو زايد خلنا بالماد=حيث ان الذي قلناه بسموه اشويه
نايف الشويب السليمي