((فقدنا عريبين المجاني ثقال الروز))

بسم الله الرحمن الرحيم
((فقدنا عريبين المجاني ثقال الروز))
الشاعر/مشعل عسام التريباني الشمري
في2/11/1438هجري
فقـدنا عــريبين المجانـي ثقال الروز(1) عســــا الله علينا عـقب ضــيقه يفرّجها

انا صارلي كم يوم كنـي بســـــجن دروز(2) ونفســـــي من التفكــير ضاقة مخار جها

تجينــي هموم القلب جوزن يوالـي جـوز(3) واعوّد على نفســـي واكــرّر واهـــرجها

واعيد النظر بهروج ناســـــــن تقول لغوز(4) تســــــابق على الغلطات وتكــبّر حججها

على العدى الين ملمسن من قشـــور الموز(5)وعلى اقرب الصدقان عجفاه تســـــــرجها

تكتب حــــروفن كلها شــــــخبطه وارموز(6) حــروفن تجمّع قلّــة المــيز تـوّجـها

وانا ماحسبت حســـاب خلط العنب واللوز(7) ولا احب تكــرار الســــــواليف وعوجها

امضــــي العوجا علـــى شـــان انال الفوز(8) وبـيـبان صــــبري للـرفاقــه مــبرهجها

والباب دون الحقد واهل الحســـد مجلوز(9) واذانــي على ســـــــمع الجزيله مـبرمجها

وانا من فضل ربــي غنــي ماعليه عوز(10) واعرف الدروس اللي تشــرف مناهجـها

ولانـــي عـن العالم مقيّد ولا مـحـجــوز(11) ورجلـي مع اهل الطيب الســيّر وامـرجها

ولكن بعدك عن صــديقن يحوزك حوز(12) اخير من قــربن حياتك يســـــــــــمجها

ابا اجزم مدام ان اللّـوى باالجفاء مركوز(13)ابا اْبعد وخل العــرج مانــي مـدرّجها

عـــزيز قـوم ولا اْقعـد المقعـد الملموز(14)والعــرج هــــي والعور ماني معالجها

والله لا اْعذل النفـس عنهم واْهوزه هوز(15)مانــي علــى خبث النوايا مــدبلجـها

 

 

 

 

 

 

 

 

 

 

صح لسانك أيها القدير صح لسانك

 

 

 

 

 

 

 

 

 

 

صح بدنك يابومعاذ لاهنت

 

 

 

 

 

 

 

 

 

 

شكر لكل من تابعني