اسعد الله اوقاتكم
ياهاجسي اصرف ذهب ما يلحقونه بالنقود
ردّ الثنى لاهل الثنى واجب عليك اعادته
عهدٍ علينا ما نخون اللي عطيناه العهود
لو الخوارج حاولو ما يقدرون ابادته
ياسيدي سلمان بن عبدالعزيز بن سعود
حنا وما نملك فدا لأجل الوطن و قيادته
لدين حنا نصرة الاسلام و كعام اليهود
والعلم نكتب فوق صفحات الزمان ولادته
الشعب صامل سيدي امر و حنا لك جنود
من دون حد المملكة ارواحنا لسيادته
انتم لكم باعناقنا بيعه على وقت الجدود
امجددينه بالولا شعبك حسب ارادته
او ولي عهدك سيدي رمزٍ ويرقا به سنود
والشبل من ذاك الأسد والحكم تعرف سادته
كرس حياته للوطن حتى اثمرة كل الجهود
و اللي يدور للفتن راسه يصير اوسادته
هذا محمد سيدي الجود من جوده يجود
جلّ العطايا مدته يوم الغني ما فادته
الامن ورجال الحرس الجيش وسلاح الحدود
رهن الإشارة سيدي وفي خدمتك سعادته
والله يحفظ المملكة من كل طامع او حسود
ويحفظ ملكنا اللي فزع يوم العروبه نادته
الطيب بالطيب يبين ان حك عود براس عود
والا الردي يا سيدي ما زادها لو زادته
ويا رب بارك بالرجال اللي عن اوطانه تذود
و المملكه هي دارنا و الشعب هذي عادته