لنا باالحيات من الشدايد عبر وادروس
ومنها تلقينا الدروس وتعلمنا
منها عرفنا واضح القول والمدسوس
وعرفنا الذخاير يوم نلبس محازمنا
دنيا الفتى تظهرله الواقع الملموس
حقايقن فيها وثقنا وسلمنا
عرفنامن الشده خدم عابد الناقوس
تبث السموم اللي يلوث غنايمنا
زرعنا الوفا في تربتن دب فيها السوس
وعلى بذرة المحصول دلا يهاجمنا
عدواننا قامت علينا تحد الموس
يبون عدوان الشريعه تقاسمنا
وحنا لعدوان الوطن ما نوطي روس
ولاتنثي وقت اللوازم عزايمنا
راس المعادي في حذانا ندوسه دوس
ونحكي ويسكت خصمنا ياتكلمنا
ياحك عود بعود تبقا الضروس ضروس
وحنا الضروس ولحم الاضداد مطعمنا
مابيننا مبغض ولا بيننا جاسوس
حفضنا العهد لملوكنا ماتقسمنا
يعيش العلم خفاق بالموطن المحروس
ويعيش المليك اللي بعزه تحيزمنا
حكيمن محنك فيه كل الدهامحسوس
مليكن على القران والشرع حاكمنا
ويحياولي عهده على المنهج المدروس
ويبشر بنا شعبن وفي يوم يزهمنا
تبقا الحقايق واضحه والحبوس احبوس
وعلى منهج السنه ربطنا عمايمنا
مشعل عسام التريباني الشمري في 14/2/1440هجري