اشتهي كتب اصعب الشعر شهوه

‏اشتهي كتب اصعب الشعر شهوه
والبيوت اللي تجي متدالسه

بحرجاشي به على الشعر رهوه
كل وسمن فيض شعري طالسه

ندر القيفان في جاشي دوه
خافقي فيه القوافي جالسه

واعتنيبه والتهي فيه لهوه
حيث نفسي للجزيل معالسه

اسرجو مهرة خيالي واحذوه
ماتعيش نفوسنا متفالسه

ودي اخذلي مع الشعر دهوه
لين اقيم حروفه المتما لسه

لي مع الجزلات هده وسهوه
اصخر الصعبه وتاتي سالسه

صبلي يامسوي الكيف قهوه
فيلسوفن والقصيد مجالسه

القوافي كان ماجادت سوه
ماتفيد اسطور شعرن خالسه

كان ما تتحف اسموعك يقروه
وتستثير احيا النفوس الغالسه

ماخبرت النفس للهزله هوه
ولارغبت من القصيد التالسه

مشعل عسام التريباني الشمري في 26/5/1440هجري

 

 

 

 

 

 

 

 

 

 

ابو عسآم...تبي الصحيح..انا كنت ناوي أقرأ القصيد الجديد ب المنتدى ،
بس عقب هذي يمكن انا اهوّن مَ اقصد..👏👍
( معشر الشعراء قولوا مثل ذا..أو دعوها لـ إبن عمّي الدآهيه.."

 

 

 

 

 

 

 

 

 

 

هلا اخوي مخاوي الماش
مرورك يسعدني وتعليقك يشرفني الله لايهينك يابعدي